Accessibility links

Törkiä Yaqın Könçığışta aradaşçı bulırğa teli


Törkiä premier-ministrı Räcäp Tayyıp Erdoğan Yaqın Könçığışta solıx urnaştıruda Ankaranıñ aradaşçılığın täqdim itte. İzrail prezidentı Moşe Katsav belän söyläşülärdän soñ, ul Törkiäneñ bu töbäktä tınıçlıq täemin itüçe il bulıp qalırğa teläwen äytte.

Audio (Räcäp Tayyip Erdoğan) "Törkiä belän İzrail arasında oçraşu qısqa, läkin küp yaqlı buldı. Anda törle mäsälälär qaraldı: ike-yaqlı, töbäk mäsäläläre, häm başqalar."

Küptän tügel Erdoğan İzrailneñ Fälestingä qarata ğämällären "terrorçılıq" dip atağannan soñ, İrzail belän Törkiä arasında, elegräk yaxşı bulğan mönäsäbätlär suınıp kitkän ide. Şul mönäsäbätlärne cılıtu maqsatı belän Erdoğan yäkşämbe İzrailgä kilde. İzrail premier-ministrı Ariel Şaron belän oçraşqannan soñ ul däşümbedä Ramallağa barıp Fälestin citäkçese Mäxmüt Abbas häm premier Äxmät Qurei belän küreşergä cyına.
XS
SM
MD
LG