Accessibility links

шимбә, 3 декабрь 2016, Казан вакыты 07:49

1 Mayda Ufada säyer häm qarşılıqlı çara ütte


1 Mayda Ufanıñ Lenin isemendäge mäydanında mitingqa oxşağan çara ütte. Başqortstannıñ berdäm oppozitsiäse bu könne Mortaza Räximovqa qarşı çığışlar yasawdan, ğomumän, säyäsi şiğärlär astında miting ütkärüdän baş tartsa da, 1 May şiğärläre, xalıqnı sotsial yaqlaw mäsälälären kütärgän çaranı ütkärergä buldı. Bu üzençälekle mitingta Räximov yaqlılarğa da süz birelergä tieş ide. Ä audioqorılmalarnı Başqortstan prezidentı apparatı birergä teläk belderde häm şulay eşläde dä.

Ämma, bu çara başlanırğa ber säğät qala, Ufa waqıtı belän unberlär tiräsendä Ufanıñ Lenin isemendäge mäydanınıñ üzäk öleşen maxsus autobuslarda kiterelgän, aq çıpta yabınğan 4 meñläp başqort yäşläre biläde. Oppozitsiä citäkçese Ramil Bignov süz alğaç ta başqort yäşläre timer miçkälär qağıp, sızğırıp, aqırıp, şiğärlar qıçqırıp aña söylärgä irek birmädelär. Mäydanda qolaq tondırğıç: “Räximov, Räximov... Putin, Putin... Başqortstan, Başqortstan... Qızğılt-sarı faşistlar olaqsın!”,- digän tawışlar bertuqtawsız yañğırap tordı.

Başqort yäşlärennän başqa älege çarada ber meñläp kommunistlar bayrağı astındağılar, ike meñläp başqalar qatnaştı. Ğädättägeçä, xalıq arasında respublikanıñ yuğarı türäläre dä kürenä idelär.

Kärim Yauşev, Ufa

XS
SM
MD
LG