Accessibility links

чәршәмбе, 7 декабрь 2016, Казан вакыты 21:20

Leningrad blokadasın kiçergän Sämiä apa


“У войны не женское лицо” dilär. “И не детское” dip östise kilä. Tik balaçağı Böyek Watan suğışı yıllarına turı kilgän keşelär belän söyläşkändä bu äytemneñ xaqiqätkä turı kilmägänen añlıysıñ. 900 kön häm 900 töngä blokadada qalğan Leningradta bigräk tä. Blokada mäxşärlären başınnan uzdıruçılarnıñ kübese xatın-qız häm balalar bit inde. Ä balalar xätereneñ şundıy üzençelege bar: ul ütkännärne analizlap, tulı kartina yasap tormıy, xatirälär, kaleydoskoptağı kebek, ayırım mizgellärdän cıyıla.

Leningradnı bocra urap alğanda Sämiä Mäğdievağa 9 yäş bula. Üzennän çaq qına ölkänräk abıysı belän yandırğıç bombalar sünderergä dä yörgännär, yulda yatqan mäyetlär aşa atlap ütärgä dä qurıqmağannar. Ğomumän, ul yıllarda qurqu toyğısı üz urının mine, böten barlıqnı bilägän açlıq toyğısına birgän. Sämiä bu yaqtan başqalarğa qarağanda bäxetleräk bula, çönki yanında ätise Abdulla abıy. Abdulla abıy üz balalarınıñ ğına tügel, böten podyezdnıñ ğömeren saqlap qalğan. Alarnıñ zur samawarları bula, utırğıçlar watıp, taqta kisäkläre cıyıp, Abdulla abzıy härkön şul samawarnı quyıp tora, podyezdağı bar keşegä qaynar su öläşä. Ätise yağınnan Sämiä apanıñ tamırları Serğaç yağınnan, Suıq Sudan. Peterburda yäşäwçe bişençe buın bulsa da, Sämiä apa telne bik yaxşı belä, ä dulqınlanğanda üzennän-üze urıs telenä küçä. Añlıysız inde, blokada turında dulqınlanmıyça ğına iskä töşerep bulmıy.

Gölzadä Kamalova, Peterbur

XS
SM
MD
LG