Accessibility links

җомга, 9 декабрь 2016, Казан вакыты 22:27

«Yoldızlıq-2005» festivalen radikal millätçelektä ğäyepläp bulmıy


«Yoldızlıq-Sozvezdie -2005» digän balalar icatı festival’e tämamlandı. Şimbä könne anıñ gala-konsertı ütte, ciñüçelär büläklände.

Bıyılğı bäyge «Ciñüneñ 60» yıllığına bağışlanğan ide. Bäygedä qatnaşqan biüçelär häm cırçılar da, üzläreneñ sälätlären, şuşı tema qısalarında kürsätergä tırıştı. Yomğaqlaw konsertı mäsälän, Mäskäwdän kilgän SSSR xalıq artistı Vasiliy Lanovoy häm Yaña Çişmä rayonınıñ «Barberkü» ansamble başqaruındağı patriotik cırdan başlandı. Bäyrämdä, şulay uq, Aqtanış, Yäşel Üzän, Mamadış, Aznaqay, Leninogorskiy, Zainskiy häm tağın berniçä töbäktän, suğış temasında cırlar häm biülär başqaraldı. Ciñü temasına 15läp nomer kürsätelde. Soñınnan, suğışta qatnaşqan veterannarğa räxmätlär äytelde häm Ciñü temasına bağışlanğan çığışlar, şunıñ belän, tämamlandı. Respublika xakimiätläreneñ, Tatarstandağı millätara tatulıq ideası konsertnıñ tözeleşendä dä çağılış taptı. Gala-konsertta ber niçä tatarça çığış ta buldı. Böten çarağa barlığı 4 cır häm 1 tatarça biü başqarıldı. Alarnı kübesençä awıl balaları täqdim itte. Anıñ qarawı, waqıt-waqıt keçkenä balalar çığıp, konsertnı tatarça alıp bardı. Alar bäygeneñ «konferans», digän yarışında ciñgän yäş artistlar bulıp çıqtı. Ciñüçelärne qotlarğa çıqqanda, Yäşlär eşläre ministrı Marat Bariev ta berniçä tatarça qotlaw süzen isenä töşerde. Konsertnıñ kötelmägän itep tämamlandı. Säxnägä urıs milli kiemnärennän biüçelär çıqtı häm cırçı-qız «Rus» digän cır başqarıldı.

Böyek il, böyek Rus xalqı turındağı cırdan soñ, Tatarstan Prezidentı säxnägä çıqtı. Ul da başta ciñüçelärgä qotlaw süzlären häm veterannarğa räxmätlären, tatarça belderde. Annan, urıs telendä küçep, söyläde. «Yoldızlıq» festivalendä 90meñğä yaqın bala qatnaşqan. Gala-konsertqa qädär, respublikanıñ rayonnarında saylaw ütkän. Gran-Pri, iñ zur büläkne, «Şarm» digän biü ansamble häm Çallıdan kilgän çırçı Hadiyıva Aliä aldı. Bıyıl, «Yoldızlıq» bäygesendä ciñüçelärgä, aqçalata büläklär häm belem alu öçen sertifikat-kägäzlär tapşırıldı.

Bikä Timerova.

XS
SM
MD
LG