Accessibility links

җомга, 9 декабрь 2016, Казан вакыты 10:43

Ğiraq: totıq aluçılar Avstralia xökümätenä basım yasıy


Ğıraqta başkütärüçelär avstralialı totıqnıñ irekkä çığarıluı öçen , Avstralia häm başqa çit il xärbiläre ildän çığıp kitergä tieş digän taläp quydı. Avstralia xökümäte tışqı säyäsätne terrorçılar bilgeli almıy dip belderde. Totıq alu , Ğıraqta köç qullanu artıp kitkän waqıtqa turı kilde.

Yäkşämbe könne Bagdad televidiniäsendä kürsätelgän 2minutlıq video tasmada avstralialı totıq Douglas Wood (audio)

Ğailäm, duslarım AQŞ, Avstralia häm Britan xärbiläreneñ monnan çığıp kitüläre öçen zinhar yardäm itegez , eşlärne ğıraqlılarğa qaldırığız. Ğıraqlılar köçle.Zinhar yardäm itegez. Min ülergä telämim

Bitlek kigän qorallı 2keşe yanında kürsätelgän 63 yäşlek Wood amerikan xatın qızına öylängän häm 92nçe yıldan birle Californiada yäşi. Ul ber yıldan birle Ğıraqta injiner bulıp eşli dip xabär itelä.Douglas Wood Ğıraqta totıq itep alınğan berençe avstralialı. Avstralia xökümäte Woodnıñ irekkä çığarıluı öçen tırışaçaq mäxsus törkemne Ğıraqqa cibäräçägen belderde. Avstralia premyer ministrı John Howard düşämbedä Avstralia radiosına birgän ängämädä xärbilärebezne Ğıraqtan çığarırğa cıyınmıybız dide.

Howard(audio)

Bez qulıbızdan kilgän här närsäne eşlärgä däwam itäçäkbez ämma bez totıq aluçılar säbäple üz pozitsiäbezne üzgärtä almıybız, üzgärtmiäçäkbez. Bez bu ildä terroristlar bilgelägän tışqı säyäsät alıp bara almıybız.Ämma bez biçara totıqqa yardäm itü öçen här närsäne eşlärgä tieş

Wood qayçan, niçek qulğa alındı bilgesez . Anı kemnär urlağan, alarnıñ al Qaida belän bäyleneşe barmı anısın da belmibez. Wood üze video-tasmada urlawçılarnı ütä patriotlar dip taswırlıy.Urlaw eşe Avstralianıñ Ğıraqqa östämä 450ğäskäri cibärergä äzerlängän waqıtqa turı kilde. Bu xärbilär Ğıraqta diplomatlarnı saqlağan häm Ğıraqnı tözekländerergä yardäm itkän 880 xärbigä quşılaçaq. Avstralia räsmiläre fevral ayında östämä xärbilär Könyaq Ğıraqtan çigengän Hollandiä köçläreneñ urınıñ alaçaq alar Yaponiä injinerların saqlayaaçq häm Ğıraq armiäsen künegülärdän ütkäräçäk dip beldergän ide.Yaponiä humanitar proyektlar alıp barğan üz xärbiläreneñ saqlanuına yuğarı bäyä birgän ide şul waqıtta. Ğıraqta sonğı ber yılda 200çaması keşe totıq itep alındı.Alarnıñ yaqınça 30 üterelde.Ğıraqta sonğı 3köndä köç qullanu nıq artıp kitte in kimendä 110 keşe häläk buldı. Düşämbedä genä Bagdadta 2 maşina bombası şartlatıldı.Berse politsiä komandirın hädäf itep alsa, ikençe bomba xalıq küp yöregän alış-bireş uramında şartlatıldı. färidä xämit
XS
SM
MD
LG