Accessibility links

сишәмбе, 6 декабрь 2016, Казан вакыты 08:52

Ğiraqta 3 urında şartlaw bulıp kimendä 10 keşe ülde


Politsiä äytüençä alış-bireş uramında xalıq cıyılğan urında bomba şartlaw näticäsendä 4 sivil keşe häm şartlatuçı üze hälak bulğan. Bağdadnıñ tönyağında Xörriä bistäsendä maşinağa quyılğan bomba şartlağan. Eçke eşlär ministrlığınıñ yuğarı räsmie general Räşit Flayih bu şartlawdan isän-imin qotılğan. Bağdadtan könçığıştaraq Zayunada maşinağa quyılğan bomba belän politsiä kizüenä höcüm itkännär. Politsiä äytüençä, 5 keşe, şul isäptän şartlatuçı üze häm 2 politsiä xezmätkäre ülgän, 8 keşe yaralanğan. Bügen şulay uq Britaniä saqlanu ministrlığı Ğiraqnıñ könyağında ber britan soldatı yaralardan ülde dide. Awstraliä premyer ministrı John Howard bez Ğiraqta awstraliä watandaşı Douglas Woodnı totıq itep alğan terrorçılarnıñ taläplärenä buysınmayaçaqbız di.

XS
SM
MD
LG