Accessibility links

дүшәмбе, 5 декабрь 2016, Казан вакыты 11:36

«Aq bars» komandasınnan 15 "yoldız" kitte


«Aq bars» xokkey klubı belän kontaktnıñ waqıtı tämamlanu säbäple, 15 uyınçı kitte, digän xäbär mäğlümat agentlıqlarında taraldı bügen. Xokkeyçılarnıñ matbuğat särkätibe Marat Färxiev, bezneñ sorawğa cawap birgängä, jurnalistlarnıñ bu temağa zur qızıqsınu kürsätüen añlamadı häm bu ğädäti xäl,dide. Anıñ añlatuınça, uyınçılarnıñ kileşüläre 30 aprel’gä qädär tözelgän bulğan, şuña ul 15 keşeneñ kitüe kötelälgän ide.

«Aq Bars» komandasında xäzer qapqaçı Nikolay Xäbibullin häm Andrey Tsarev, höcümçelär Aleksey Kovalev, İlya Kovalchuk, Vensan Kovalye häm başqa yoldızlar da yuq. Yaña sezonda, «Aq bars»ta kemneñ uynawı turında äle ber kemdä äytä almıy. Bıyıl, xakimiätlär dä, ğadi xokkey söyüçelär dä «Aq bars»qa zur ömetlär bağlağan ide. Qazanıñ 1000 yıllığı bilgeläp itelägän yılda «Aq bars»tan ciñülär genä köttelär. Ämma, belgänegezçä, komanda, soñğı Rusiä Çempionatınıñ finalına da çığa almadı.

Uyınçılarnıñ kitüe, baş menegernıñ wazifasınnan azat itelüe, komandanıñ kiläçäk uñışların ömetlänergä urın qaldıramı? Bu xaqta «Tatarstan yäşläre» gäzitendä sport temaların yaqtırtuçı jurnalist Atlas Gafiätov belän söyläştek. Anıñ uylawınça, NHL yoldızların cıyu, komanda cıyu digän süz tügel. «Zinatulla Billäletdinov bu yoldızlar belän idärä itep beterä almadı, şikelle. Xäzerge şartlarda, çittän qaytarmıyça, üz uyençılarıbıznı üsterergä kiräk», - dip sanıy «Tatarstan yäşläre» gäzitendä sport temalarına yazçı jurnalistı Atlas Gafiatov.

Bikä Timerova.

XS
SM
MD
LG