Accessibility links

шимбә, 10 декабрь 2016, Казан вакыты 15:46

Oppozisiä artında kem tora?


Ufada 1nçe may uzğan uram cıyını iğtibar üzägennän töşmi. Xäbär itüebezçä, bäyräm aldınnan respublika yortında oppozisiä citäkçeläre ber dokument imzalağan ide. Anda may bäyrämnäre çorında säyäsi çığışlardan tıyılıp toru kileşengän. Respublika gäzitläre oppozitsiä süzendä tormadı dip yaza. Respublika Prezidentı xaqimiäte başlığı Rostislav Morzağulov oppozisiäneñ mondıy kileşügä baruın üzençä añlata. Ul bu yäki finanslanu tuqtalu, yäki Mäskäwdäge xucalarınıñ berär säbäp tabıp başqa qararğa kilüe dip uylawın belderde. Bu turıda internetnıñ «Ufaweb» säxifäse xäbär itte. Morzağulov oppozitsiäneñ taläplären tuqtatuın veterännarğa xörmät yözennän dip belderülären ışanmawın da äytep, «bu andıy yegetlär tügel» di. Oppozisiä artında kem tora? Soñğı könnärdä bu matbuğatnıñ iñ yaratıp çäynägän temına äylände. Räsmi xäbärdarlıq çaraları oppozisiä artında Tatarstan tora digän şik belderä. Alar monı Başqortstan oppozitsiäse başında toruçınıñ Tatarstannıñ Başqortstandağı säwdä-iqtisadıy wäkile buluı belän añlata. «Azatlıq» xäbärçeseneñ ufalılarğa «Oppozisiä artında kem tora dip uylıysız?» digän sorawına cawaplar kiresen söyli. Anda oppozisiäne Tatarstandağı ayırım säyäsätçelär, keşelär ilhamlandırıp torsa da, anıñ artında kürşe respublika tormıy dip isäpli. Bignovnıñ Tatarstan säwdä-iqtisadıy wäkile buluı oçraqlılıq, bu respublikada lider bulırlıq keşelär bulmawdan digän fiker belderä.

XS
SM
MD
LG