Accessibility links

шимбә, 10 декабрь 2016, Казан вакыты 17:36

Taciqstan demokratik partiäse cämäğät şurasınnan çığa


Taciqstan demokratik partiäse üz citäkçese Mäxmätruzi İskändärovnıñ qulğa alınuına protest yözennän prezidentnıñ cämäğät şurasınnan çığuın iğlan itte. Prezident Emomali Raxmonov citäkçelegendäge cämäğät şurasına ildäge barlıq säyäsi partiälärneñ, xökümättän bäysez oyışmalarnıñ häm mädäni cämğiätlärneñ wäkilläre kerä. Taciq demokratik partiäseneñ räis urınbasarı Ruxmatulla Wäliev başqala Düşämbedä jurnalistlarğa bolay dide.

AUDİO: Taciqstan demokratik partiäse bu şuradağı eşçänlekne waqıtlıça tuqtatıp tora. Çönki älege şuranıñ qararları ğädättä ütälmi, soñğı saylawlar demokratik räweştä ütmäde, häm Mäxmätruzi İskändärov Mäskäwdä qulğa alınıp qanunsız räweştä Düşämbegä tapşırıldı. Taciq xakimiätläre İskändärovnı terrorçılqta, röxsätsez qoral yörtüdä häm däwlät aqçasın üzläşterüdä ğäyepli. Advokatları äytüençä İskändärovnı Rusiä xakimiätläre totıp yäşeren räweştä Taciqstanğa tapşırğan. Bu qulğa alınuğa qädär ul Azatlıq radiosına Taciqstanda yaqınlaşıp kilüçe prezident saylawlarında namzät bularaq qatnaşırğa cıyınuın beldergän ide.

XS
SM
MD
LG