Accessibility links

җомга, 9 декабрь 2016, Казан вакыты 14:28

Oppozisiä FSB başlığın cawapqa tarttırırğa äzerlänä


«FSB başın cawaplılıqqa!» — Başqortstan oppozisiäse citäkçeläreneñ berse, respublika urıslarınıñ «Rus» berläşmäse räise Anotolıyy Dubovskiy şulay dip belderde. Ul bu xaqta «Rosbalt» xäbärlär ağentlığına birgän äñgämäsendä ireşterde. 15nçe aprel Federäl İminlek Xezmäteneñ Başqortstan bülekçäse başı İğor' Çernoqov efir aşa çığışında Ufada häm Mäskäwdä uzğan uram cıyınnarına xalıq aqçağa qatnaşuın beldergän ide. Dubovskiy bu döreslekkä turı kilmi di häm monı oppozitsiä citäkçeläreneñ namusın pıçratu dip sanıy. Häm şuşı mäsälädä respublika FSBsı başın cawaplılıqqa tarttıru öçen dokumentlar äzerlänä başlawın ireşterä. Dokumentlar 15nçe mayğa äzerlänep betäçäk. Oppozisiä wäkilen tuqmawçılarnıñ berse açıqlanğan. Süz 16nçı aprel Ufada uzğan uram cıyını xaqında bara. Respublika Prezidentı Mortaza Räximovnı yaqlap ütkän ul çarada berniçä oppozisiä wäkile tuqmalğan ide. Bäysez «Naş Vıbor» gäzite möxärrire Renat Ğäbidullinnı tuqmawçı — Ufa Aviassiä Universitetınıñ 4nçe kurs studentı Röstäm Nadrşin. Bu xaqta Başqortstan däwlät cıyılışı deputatı Gennadiy Şabayıv belderde. Anıñ süzlärenä qarağanda, bu eş buyınça cinayät eşe quzğatılğan, tağı berniçä suğış çuqmarınıñ kemnär buluın açıqlaw bara. Deputat älege mäsäläne qarawda respublik Prquraturasınıñ bik nıq sülpän eşläwen dä belderde.

XS
SM
MD
LG