Ber atna elek Aq yortta prezident Bushqa, Ğiraq suğışı amerikan qorallı köçläreneñ ğäskäri qüwätenä tiskäre yoğıntı yasamıymı digän soraw birelgän ide. Quşma Ştatlar citäkçese moña bolay dip cawap qaytardı:
Audio, George Bush
"Monı sorıysı keşe, härxäldä min näq menä añardan sorar idem - ul Berläşterelgän idarä başlığı, minem yuğarı xärbi kiñäşçem. Min añardan, "Ğäskärlärebez Ğiraqta bulu säbäple bez üzebezneñ başqa problemalarnı xäl itü sälätebezne çiklädekme? dip sorıym, ä ul yuq dip cawap birä. Ul, mömkinleklärebez citärlek dip isäpli" di amerikan prezidentı. Ämma Bush işarä itkän general Myers, amerikan qorallı köçläreneñ berläşterelgän idaräse başlığı, düşämbedä Kongressta yasağan çığışında bu xaqta bötenläy başqa fiker beldergän dip xäbär itelä. Anıñ kongressmennar qarşında äytelgän süzläre yabıq utırışta yañğırasa da, qayber basmalar, misal öçen, "New York Times" häm "Los Angeles Times" anıñ berketmäsen qulğa töşerä alğan. Anda general Myres, Ğiraqtağı ğäskäri çaralar arqasında Quşma Ştatlarnıñ qorallı köçläreneñ başqa urınnardağı suğışlarğa qatnaşu säläte çiklänä, ägär andıy ixtimal tua qalsa, bu amerikan yuğaltularınıñ yuğarı sanda buluına kiteräçäk dip beldergän. Xärbi belgeçlär, ayırım alğanda, Washingtondağı Saqlanu mäğlümatı üzäge xezmätkäre Marcus Corbin, dönyada haman da amerikan köçlären ciñärlek ğäskär bulmasa da, Ğiraq suğışınıñ aqça häm qoral tä''minatın kimetüe säbäple, amerikannarnıñ başqa töbäklärdäge suğışlarda qatnaşuı zurraq çığımnar häm yuğaltular taläp itä ala dip isäpli:
Audio, Marcus Corbin
"Urındağı çınbarlıq başqa närsä, älbättä, minemçä, qayber ölkälärdä çınnan da küpmeder kierenkelekne kürep bula. Döres, süz suğışnı ottıru turında barmıy, bu Ğiraqtan häm Äfğanstannan tış başqa ğäskäri çaralarnı näticäle itep nindi bäyägä başqaru mäs''äläse" di, Ğiraq wä Äfğanstanda torunıñ amerikan köçläre qüwäten küpmeder kimetüe xaqında Marcus Corbin. Kongresstağı çığışında general Myers menä şuña iğtibar itkän dä - anıñ fikerençä, amerikan ğäskärläre xäzer suğışlarnı elekkeçä näticäle itep alıp barırlıq xäldä tügel. Citmäsä, Ğiraq häm Äfğanstanda ğäskärlärne citärlek sanda totu öçen Washington dönyanıñ başqa töbäklärendäge, misal öçen, Koreä yarımutrawındağı xärbi bülekçälären küçerergä mäcbür buldı. Ä ul töbäklär, amerikan xärbiläre fikerençä, üzläre dä potensial'' yaqtan şaqtıy qurqınıç sanala häm andıy cirlärdän Quşma Ştatlarnıñ köçlären çığaru yä kimetü ilneñ xärbi mömkinleklären şulay uq çikli.
Kärim Kamal
Audio, George Bush
"Monı sorıysı keşe, härxäldä min näq menä añardan sorar idem - ul Berläşterelgän idarä başlığı, minem yuğarı xärbi kiñäşçem. Min añardan, "Ğäskärlärebez Ğiraqta bulu säbäple bez üzebezneñ başqa problemalarnı xäl itü sälätebezne çiklädekme? dip sorıym, ä ul yuq dip cawap birä. Ul, mömkinleklärebez citärlek dip isäpli" di amerikan prezidentı. Ämma Bush işarä itkän general Myers, amerikan qorallı köçläreneñ berläşterelgän idaräse başlığı, düşämbedä Kongressta yasağan çığışında bu xaqta bötenläy başqa fiker beldergän dip xäbär itelä. Anıñ kongressmennar qarşında äytelgän süzläre yabıq utırışta yañğırasa da, qayber basmalar, misal öçen, "New York Times" häm "Los Angeles Times" anıñ berketmäsen qulğa töşerä alğan. Anda general Myres, Ğiraqtağı ğäskäri çaralar arqasında Quşma Ştatlarnıñ qorallı köçläreneñ başqa urınnardağı suğışlarğa qatnaşu säläte çiklänä, ägär andıy ixtimal tua qalsa, bu amerikan yuğaltularınıñ yuğarı sanda buluına kiteräçäk dip beldergän. Xärbi belgeçlär, ayırım alğanda, Washingtondağı Saqlanu mäğlümatı üzäge xezmätkäre Marcus Corbin, dönyada haman da amerikan köçlären ciñärlek ğäskär bulmasa da, Ğiraq suğışınıñ aqça häm qoral tä''minatın kimetüe säbäple, amerikannarnıñ başqa töbäklärdäge suğışlarda qatnaşuı zurraq çığımnar häm yuğaltular taläp itä ala dip isäpli:
Audio, Marcus Corbin
"Urındağı çınbarlıq başqa närsä, älbättä, minemçä, qayber ölkälärdä çınnan da küpmeder kierenkelekne kürep bula. Döres, süz suğışnı ottıru turında barmıy, bu Ğiraqtan häm Äfğanstannan tış başqa ğäskäri çaralarnı näticäle itep nindi bäyägä başqaru mäs''äläse" di, Ğiraq wä Äfğanstanda torunıñ amerikan köçläre qüwäten küpmeder kimetüe xaqında Marcus Corbin. Kongresstağı çığışında general Myers menä şuña iğtibar itkän dä - anıñ fikerençä, amerikan ğäskärläre xäzer suğışlarnı elekkeçä näticäle itep alıp barırlıq xäldä tügel. Citmäsä, Ğiraq häm Äfğanstanda ğäskärlärne citärlek sanda totu öçen Washington dönyanıñ başqa töbäklärendäge, misal öçen, Koreä yarımutrawındağı xärbi bülekçälären küçerergä mäcbür buldı. Ä ul töbäklär, amerikan xärbiläre fikerençä, üzläre dä potensial'' yaqtan şaqtıy qurqınıç sanala häm andıy cirlärdän Quşma Ştatlarnıñ köçlären çığaru yä kimetü ilneñ xärbi mömkinleklären şulay uq çikli.
Kärim Kamal