Accessibility links

чәршәмбе, 7 декабрь 2016, Казан вакыты 11:53

AQŞ ilçelege üzbäk xakimiätläreneñ ilçelek yanındağı demonstratsiägä qarşı köç qullanuın tänqitläde


Üzbäkstandağı AQŞ ilçelege kiçä ilçelek qarşında ütkän protest irekle fiker belderü xoquqın ğämälgä quyu oçrağı ide digän belderü yasadı. İlçelek kiçä kiç älege protest çarasın tuqtatu öçen xakimiätlärneñ köç qullanuına qızğanıç belderä. Üzbäk xakimiätlären xoquq bozularda ğäyepläwçe protest demonstratsiäsendä ber yözläp keşe qatnaştı. Üzbäk xakimiätläre demonstratsiäne köç belän bastırdı häm bilgesez sanda keşelärne totqarladı. Alarnıñ kübese fermer Baxodir Çorievnıñ tuğan-tumaçası ide. Xakimiätlär 1999-nçı yılda Çorievnıñ cirlären häm milken tartıp alğan. Çoriev moña rizasızlıq beldergän öçen berniçä märtäbä qulğa alınğan bulğan häm soñraq aña Quşma Ştatlardasıyınu xoquqı birelgän. Protest belderüçelär tartıp alınğan milekläre qaytarılğançığa yäki Quşma Ştatlardan sıyınu xoquqı alğançığa qädär ilçelek qarşınnan kitmiäçäklären beldergän ide.

XS
SM
MD
LG