Accessibility links

якшәмбе, 11 декабрь 2016, Казан вакыты 16:47

Ğiraqta intixarçı bomba şartlatıp distälärçä keşene üterde


Ğiraqnıñ tönyağındağı Arbil şähärendä politsiägä eşkä alu urınında intixarçı bomba şartlatıp küpsanlı keşene üterde. Törle çığanaqlarğa qarağanda, küpçelek xalqı kördlär bulğan bu şähärdä şartlaw näticäsendä 40-tan alıp 60-qädär keşe ülgän, ber yözläp keşe yaralanğan. Bolğarstan saqlanu ministrlığı äytüençä, kiçä Basra şähäre yanında maşinada qom buranına yulığıp 2 Bolğarstan soldatı ülgän. Ğiraqta Bolğarstannıñ 460 xäbie bar häm anıñ Ğiraqtağı yuğaltuları sanı 10-ğa citte. Daniä xökümäte Parlamenttağı oppozitsion partiälär belän Daniä ğäskärläreneñ Ğiraqnıñ könyağında toru möddäten kiläse yılnıñ 1-nçe fevralenä qädär ozaytırğa kileüen iğlan itte. Anda Daniäneñ 530 xärbie bar. Ğiraq xökümäte Säddam Xösäinneñ tuğannan tuğanı Ayman Sabawi qulğa alındı dip belderde. Anı may başında iminlek köçläre Säddamnıñ tuğan şähäre Tikritta totqan. İraq xökümäte belderüendä, Sabawi häm anıñ şulay uq qulğa alınğan tuğanı İbrahim terrorçı törkemnärne aqçalar, qorallar häm şartlatqıçlar belän tä'min itärgä bulışqan.

XS
SM
MD
LG