Accessibility links

пәнҗешәмбе, 8 декабрь 2016, Казан вакыты 15:00

Xäydär Säybatalov - suğış veteranı, rässam


Rässam Xäydär ağa Säybatalovqa 82 yäş. 1943 yılda 20-se dä tulmağan Xäydär Leningrad frontında suğışa. Pulemetçı bulıp. Yaralanıp, hospitäldä dä yatıp çığa. Suğış teması Xäydär ağanıñ icatında da zur urın alıp tora. Anıñ iñ yaratqan şöğele – suğış veterannarınıñ portretın töşerü. 10 yıllap Finländiädä fin veterannarınıñ bixisap portretların eşläp fin xökümäteneñ “Maqtaw bilgesenä” dä layıq keşe ul Xäydär ağa. Bügenge köndä ul Leningrad-Peterburg tatar qaharmannarınıñ portretları östendä eşli. Utızğa yaqın millättäşebezneñ süräte inde äzer dip äyterlek. Alar arasında ike Sovetlar Soyuzı Geroyı - İldar Mannanov häm Äbelxanov, partizannar otryadı komandirı Äxät Usmanov, 1945 yılda Ciñü Paradında qatnaşqan Säyet Tenişevnıñ portretları bar. Xäydär ağa Säybatalov üze dä, sänğäte geroyları - frontoviklar kebek, tormışnıñ, yäşäwneñ tämen toyıp, mäğnäsen belep yäşi. Xäydär Säybatalov belän äñgämäne anıñ suğış xatirälärennän başlap cibärdek.

Gölzadä Kamalova, Peterburg

XS
SM
MD
LG