Accessibility links

чәршәмбе, 7 декабрь 2016, Казан вакыты 15:38

Bush Baltıyq illärendäge sovet okupatsiäsen Putinnıñ isenä töşeräçäk


AQŞ prezidentı George Bush Mäskäwgä Natsi Germaniäsen ciñüneñ 60 yıllığın bäyräm itärgä kilgäç Baltıyq illärendäge Sovet okkupatsiäsen Rusiä prezidentı Vladimir Putinnıñ isenä töşeräçägen äytte. Litvanıñ däwlät televideniesenä Bush suğış tämamlanu Estoniä, Latviä häm Litvağa irek kitermäde dip äytäçägen belderde. Latviä tışqı eşlär ministrı Artis Pabriks bügen Azatlıq radiosına 9-nçı may bäyrämen ütkärü öçen Mäskäw iñ yaxşı urın dip isäplämäwe turında äytte.

AUDİO: Minemçä 9-nçı mayda küpçelek könbatış illäre citäkçeläreneñ äle dä ikençe dönya suğışınıñ yaman näticälären tanımağan Russiädäge bu bäyräm çaralarına quşıluı säyer. Pabriks Rusiä saqlanu ministrı Sergey İvanovnıñ kiçä Russiäneñ Baltıyq buyındağı elekke ğämälläre turında ğafu ütenmäwçän çığışına cawap birde. Bügen Rusiä xökümäteneñ Yewropa eşläre öçen cawaplı wäkile Sergey Yasterjembskiy İkençe dönya suğışınnan soñ Sovetlar Berlege Baltıyq däwlätlären okkupatsiälämäde, ul çaqta Baltıyq däwlätläreneñ xoquqıy räweştä saylanğan xakimiätläre belän kileşülär bar ide dide. Bügen Rusiä tışqı eşlär ministrlığı da Yasterjembskiy äytkännärne qabatladı.

XS
SM
MD
LG