Accessibility links

дүшәмбе, 5 декабрь 2016, Казан вакыты 05:35

Äl-Qibla: "Ni öçen bäni İsrail qäweme häläk buldı?"


Maynıñ bu atnasında bez sezne tatar, möselman ğailäläre öçen çığa torğan “Äl-Qibla” jurnalınıñ öçençe sanı belän tanıştırırbız. Bu jurnalnı oyıştıruçı häm näşer itüçe Al'bert Sabir häm anıñ cämäğäte - jurnalnıñ baş möxärrire Fäniä Sabirlar çığarğan bu jurnal küptän tügel çığa başlasa da, jurnalnı uquçılar yaratıp ta ölgerdelär. Ğädättägeçä, anıñ ikençe bitendä “Bismillähir-raxmänir-raxim“ne äytü farız bulğan eşlärneñ añlatmalı süzlege birelä. Jurnalnıñ bu sanında, Tatarstan Diniä näzaräteneñ Ğölämälär Şurası räise, Tübän Kama şähäre imam-möxtäsibe Ramil xäzrät Yunısnıñ “Ni öçen bäni İsrail qäweme häläk buldı?” dip atalğan mäqäläse bastırılğan. Mäqälädä bu xaqta Allahı täğälä “Bäqärä” süräseneñ 83 häm 84 ayätlärendä bäyän qıla häm Allah söbexana wä Täğälä Bäni İsrail Qäweme belän 8 qanunnı ütäw buyınça kileşü tözüe xaqında iskärtä. Şunıñ berençese :dini tärbiä, ikençese- olılarnıñ xaqı, öçençese- yaqınnarıñ tuğannarnıñ xoquqın ütäw,4се- yätimnär xoquqı, 5се- meskennär xoquqı, altınçı taläp başqa millät xalıqları belän xäyerle möğämälädä bulu, namaz uqunı cidençe taläp itep quya, sigezençese-zäkyät çığaru. Şularnı ütämägändä närsä bula soñ? - digän soraw tua. “Bäqärä” süräseneñ 84 ayätendä moña cawaplar birelä. Ramil xäzrät Yunıs añlatmasında älege ayätlär cämäğät, ilgä dä, mämläkätkä dä häm keçkenä cämğiät bulğan ğailägä dä qağıla ikän, - di. Dimäk, bu qanunnarnı ütäp yäşägännärneñ ğailäläre nıq , bäxetle häm däwamlı bulır. Dimäk, Allah söbexana wä Täğälä bäxetle, säğädätle yäşäw qanunnarın 1400 yıl elek ük Qor’än Kärimgä iñdergän. Mäqälä avtorı: “Monnan zur sabaq alıp, anı yäşäw räweşebezdä tieşençä qullanırğa ğına kiräk” dip, tämamlıy mäqäläsen.

Tağın iğtibarnı cälep itkän jurnalnıñ “Asılıbızğa qaytıp barışlıy” häm”İldän-çittä” digän säxifälärendä Möselmanlıq turında fiker yörtä. Bersendä - Tatarstannıñ Fännär akademiäse möxbir-äğzası, Qazan Däwlät texnik universitetı maqtawlı professorı, texnik fännär doktorı Ğäli Yunıs ulı Dautovnıñ Novosibirsikida ozaq yıllar yäşägännän soñ,Qazanğa yäşärgä qaytqaç din häm fänneñ ber- bersenä yaraşıp, ürelep häm kiläçäktä dä buluın dälillägän fikerlären belderä. İkençe mäqäläsendä, avtor Ramil xäzrätneñ möselman däwläte bulğan Bangladeş ilenä barıp qaytqannan soñ, anıñ belän äñgämäsen urnaştırğan. Anda Ramil xäzrät Bangladeş xalıqlarınıñ islam qanunnarı buyınça yäşäw räweşlären söyli. Anda ul xökümät däräcäsendä uzdırılğan fänni-ğamäli konferensiädä qatnaşa.

“Äl-Qibla” jurnalınıñ baş möxärrire Fäniä Sabir:

Äl-Qibla jurnalın Tatarstanda yäşäwçelär härber poçta elemtäsenä barıp yazdırıp aldıra alalar, çönki ul xäzer Tatarstan katalogına kergän.Ä 2006 yılnıñ ğinwar ayınnan ul Rusiä katalogına keräçäk. Ä aña qädär jurnalnı uqırğa teläk belderüçelär redaksiägä tübändäge adres buyınça xat yaza alalar: 420100 Qazan şähäre abonent tartması 144. telefon (8432) 76-21-02.

Mälikä Basıyr

XS
SM
MD
LG