Accessibility links

җомга, 9 декабрь 2016, Казан вакыты 03:16

Tatar oyışmaları qorıltayğa äzerlek başlıy


Comğa könne Başqortstan Tatar cämägätçelek oyışmaları berlege idaräse üzeneñ çirattağı utırışın ütkärde. Anıñ kön tärtibenä ber genä mäsälä kertelgän ide. Tatar oyışmaları şuşı yılnıñ 18 iyünendä Ufada Başqortstan tatarları qorıltayın ütkärergä äzerlek eşlären başlıy. Näq menä şuşı mäsälä buyınça kiläse atnanıñ comğasına, 13 mayğa bar respubliktan tatar milli oyışmaları citäkçelären häm aqtiwistların cıyıp zur kiñäşmä ütkärü turında kileşende. Başqortstan Tatar cämägätçelek oyışmaları berlege räise urınbasarı, professor Mäcit Xucin äytüençä, iyün ayında ütäçäk qorıltay ul bıltır noyäbr ayında Mäskäwdä Başqortstan Tatar milli-mädäni moxtäriäten tözü maqsatında ütkän qorıltaynıñ ikençe öleşe sıyfatında bula. «Mäskäwdäge qorıltayda, bilgele säbäplär belän, barı tik barlıq deleğätlarıbıznıñ 150 se genä qatnaşa alğan ide, – di Mäcit äfände. – Ä Ufadağı qorıltayda alarnıñ hämmäse dä, yağni 1 meñgä yaqın keşe qatnaşaçaq häm Başqortstan tatarlarınıñ könüzäk problemnarına tağın ber qat xaqimyätlärneñ häm kiñ cämägätçelekneñ diqqäten cälep itäçäk».

XS
SM
MD
LG