Accessibility links

Кайнар хәбәр

G.Bush faşizm häm kommunizmnı ciñüne bäyräm itü mäqsatın quyğan säfären başladı


Prezident G.Bush comğada faşizm häm kommunizmnı ciñüne qotlaw mäqsatın quyğan diplomatik yaqtan näzberek säfären başlap cibärde..G.Bush Latviä, Russiä häm Gruziädä üzeneñ demokratiäne cäyelderü öndäwlärenä basım yasıyaçaq. Prezident yardämçeläre, ul demokratik protsessnı torğızuı öçen V.Putingä basım yasarğa tırışaçaq häm ber ük waqıtta Russiäneñ borçıluların Latviä häm Gruziä citäkçelärenä işetteräçäk.

G.Bushnıñ 4ilgä yasayaçaq säfäreneñ üzägendä düşämbedä Mäskäwdä V.Putin häm 50dän artıq ilneñ citäkçekçese qatnaşqan Qızıl Mäydandağı xärbi parat tora. G.Bush şimbä könne Rigada Baltıyq illäre citäkçese aldında demokratiä häm ireklek turında çığış yasıy. Bilgele bulğança Litva häm Estoniä prezidentları Putinnıñ Qızıl Mäydandağı bäyrämgä däğwäten kire qaqtılar. Alar häm alar xälendä qalğan başqa illär Yevropada suğış betüe yaña zalımlıqnıñ başlanuı dip qarıy. SSSR alarğa 4distä yıldan artıq qayçaqta bigräk tä bäğersez möğämälä kürsätte. G.Bush yulğa çıqqançı töbäktäge jurnalistlarğa birgän ängämälärendä Mäskäwdä Putinğa sovet okupatsiäse häm suğış betüeneñ Baltıqlarğa ireklek kitermägänen xäterlätäçägen äytkän Düşämbedä Mäskäwdäge qotlawlardan soñ ul Gruziägä bara. Şulay itep ul Görcistanğa vizit yasağan berençe amerikan prezidentı bulaçaq.Bu Russiäneñ 2.Böten Dönya Suğışındağı qorbannarına xörmät belän distälärçä yıl däwam itkän sovet represiäsen iqrar arasında balans urnaştırırğa tırışqan näzberek diplomatiäneñ öleşe bulıp tora. Bushnıñ milli iminlek mäsäläsendäge kiñäşçese

Stephen Hadley(audio)

anda dönya çetrekle bulsa da, säfärneñ üze qurqınıçlı tügel: prezident qaraş fikerlär, bilgele prinsıplar belän anda bara häm bu fiker ,prinsıplar aña bik anıq açıq.

Hadley süzlärençä Bush Latviada rus azçılığınıñ ixtiaçlarına kübräk iqtibar birergä çaqıraçaq.Ul Gruziäne Russiä yaqlı separatist töbäge belän nizaqnı tınıç yullar belän çişergä öndiäçäk. AQŞ prezidentı Mäskäwdä Putin belän qısqa söyläşüdän soñ başqa tuqtalışlarında bulğan kebek monda da xoquq yaqlaw häm başqa sivil oyışma wäkilläre belän küreşä.Bush ta , däwlät sekretarı C.Rice ta bıyıl arta barğan räweştä Kreml belän demokratik reformalar mäsäläsen kütärde.AQŞlarında Putingä kübräk basım yasalsın dip administratsiädän taläp itelä. Demokrat kongresmen Tom Lantos häm respublikan Christopher Cox bu atnada Rusiäne G-8ldän, industriaları alğa kitkän törkemdän çığarunı taläp itkän qanun proyektı täqdim itte. Putin kiläse yılda bu törkemne qunaq itergä tieş. Lantos atnakiçtä kongress tıñlawlarında Rusiäneñ aldınğı demokratik illär törkemendä urını yuq , Putin idaräsendäge Russiä artqa taba çigenä, irekle mätbuğat yuq, qanun tärtib başbaştaqlarça ğämälgä quyıla , keşe xoquqları bozıla dip söyläde. Däwlät sekretarınıñ yardämçese Paula Dobriansky şuluq tıñlawlarda administratsiä Rusiäneñ bigräk tä keşe xoquqları ölkäsendäge xälen yaxşırtırğa tırışa dide

Dobriansky(audio)

G-8lär mäsäläsendäge täqdimgä qarata şunı ğına äytä alam: administratsiä Rusiä belän turıdan turı eşläp ,bu ölkädä üzgäreşlär kertüne ömed itä.

İminlek kiñäşçese Hadley Putinnıñ ütkän ayda ilneñ wazğiäte turındağı çığışına iqtibar itep cälep itä.

Hadley(audio)

Minemçä bu çığışta ömed birüçe öleşlär bar ide, ul ruslar üzläreneñ kiläçäge öçen demokratiä häm ireklekne sayladı dip açıqça äytte.Rusiä häm Putin bu prinsıplarnı ğämälgä quya başlasa Yevropada da tınıçlıq häm iminlek artaçaq.

Analitiklar Rusiä belän bergäläp eşläw qädär anıñ yaqındağı kürşelärenä dä döres işarälär cibärü möhim di.Trans Atlantik xezmättäşlege öçen tırışqan AQŞtağı German Marshall Fondınıñ tışqı säyäsät direktorı

John Glenn(audio)

suğış betüeneñ yıllığın bäyräm itsäk tä ğasırlardan birle Yevropa çınlap ta berençe märtäbä berläşkän bulsa da Bush Yevropada yaña diwarlar tözelüen kürergä telämäwen añlatırğa tırışa.

National Endowment for Demokracy-dä Yevropa Aziä programmaları direktorı Nadia Diuk süzlärençä, amerikan prezidentınıñ Gruziägä säfäre ğädäl bulmağan saylawlar ütkärelgän avtoritar xakimiät astında yäşäwçe Könyaq Kafkaz häm Üzäk Aziä illäre öçen zur simvol bulıp tora färidä xämit
XS
SM
MD
LG