Accessibility links

Кайнар хәбәр

AQŞ prezidentı George Bush Yewropa säfären başladı


Älege säfär barışında ul Latvia, Niderland, Rusiä häm Gruziädä bulaçaq. Düşämbe könne ul Mäskäwdä Natsi Germaniäsen ciñüneñ 60 yıllığına bağışlanğan bäyräm tantanalarında qatnaşa. Bu atnada Bush Rusiä prezidentı Vladimir Putinğa suğış tämamlanu Baltıyq illärendäge Sovet okupatsiäsenä çik quymadı dip äytäçägen belderde. Bügen Yewropa Berlege Yewropada diktatura Natsi Germaniäsen ciñüdän bigräk Berlin Diwarınıñ cimerelüe näticäsendä bette dip belderde. Rusiä isä Sovetlar Berlege Baltıyq illären okupatsiälämäde, Qızıl Armiäne ul illärneñ xökümätläre çaqırdı dide. Mäskäwdäge bäyräm çaralarında Baltıyq illäre citäkçelärennän barı tik Latviä prezidentı Vaira Vike-Freiberga ğına qatnaşa. Estoniä häm Litva prezidentları bu çarağa boykot iğlan itte.
XS
SM
MD
LG