Bişkäk. Qırğızstannıñ waqıtlı prezidentı Qormanbäk Baqiev ildä yäşägän urıslarnı, totrıqsızlıqtan şürläp Qırğızstannan kitmäskä öndäp çıqtı. Anıñ matbuğat wäkile süzlärenä qarağanda, waqıtlı prezident urıstelle xalıqnıñ ildän kitü teläge iqtisadi säbäplärgä häm ildäge ictimaği-säyäsi bilgesezlekkä bäyle dip uylıy. Bu uñaydan Qırğızstan citäkçeläre totrıqlılıq urnaştıru öçen barın da eşliäçäk dip belderä Baqievneñ matbuğat wäkile. Prezident Baqiev bu mäs'äläne, häm ğomumän Rusiä-Qırğızstan xezmättäşlege kiläçägen düşämbedä İkençe dönya suğışı tämamlanuınıñ 60 yıllığın bilgeläw öçen Mäskäwgä barğaç Rusiä räsmi wäkilläre belän dä tikşeräçägen äytä.
