Accessibility links

дүшәмбе, 5 декабрь 2016, Казан вакыты 11:43

Suğışta tol qalğan güzäl zatlarğa häykäl açıldı


Suğış wäxşäten toyğan häm bügen dä bezneñ arada bulğan yäki bulmağan zamandaşlarıbıznıñ bäyrämendä alarğa qarata ixtiram arttıru, izgelek qılu, ülgännärneñ xäteren yañartu köne buldı Qazanda 9nçı may könne. Bäyräm çaraları 8.30da respublika prezidentı qatnaşlığında Ciñü parkındağı mäñgelek ut yanına çäçäk saludan başlanıp kitte. Qazanda bu könne dan alleyası dä açıldı. Alleyada tözelgän piramidкalar suğış yıllarında Qazanda yasalğan xärbi polk atamaların mäñgeläşterä.
Premyer-ministr Röstäm Minnexanov bu könne Qazannıñ iske ziratı sanalğan Arça ziratında suğış qaharmannarın iskä aluda qatnaştı. Xökümät citäkçese Färit Möxämmätşin dä 9 may könne Arxangel'sk ziratında suğış utında ğömerläre özelgännärne iskä alu tantanasında buldı. Arxangel'sk ziratında soldat häykälenä çäçäklär salğannan soñ xökümät citäkçese qazan gospital’lärendä wafat bulğan çit il xärbiläreneñ qäberenä dä çäçäk bäylämen quydı.
Läkin iñ möhim waqiğa ul Ciñü parkında açılğan häykäl bulğandır. Ciñüne şulay uq yaqınlaştıruçı, tılda xezmät itkän häm yäşli tol bulıp qalğan apa-äbilärebezne dä bu könne iskä almaw mömkin tügelder. Tatarstanda ğına da bu güzäl zatlarnıñ sanı 300meñgä yaqın. Respublika prezidentı qatnaşlığında Qazanda bu könne suğışta par qanatların sındırğan tol xatınnarına atap häykäl quyıldı. Layıqlı häm ğorur basıp torğan qulına çäçäk bäylämen alğan yäş xatın-qız häykäle soldatnıñ tol xatının gäwdäländerä. M.Şäymiev älegä gipstan ğına eşlängän bu häykälne kiläçäktä şäxsän üz aqçasına bronzadan qoyеrğa wäğdä itte.
Suğış yıllarında yapa-yalğız qoçaq-qoçaq bala üsterep, kolxoz eşlären alıp barğan, açlı-tuqlı ğömer itkän apalar-äbilärneñ kübese bu dönyada xezmättän başqa bernärsä dä kürmägän. Citmäsä, suğışta häläk bulğan irläreneñ açı yazmışı alarnıñ küñelendä tirän yara bulıp saqlana. Tatarstan, İdel-Ural töbäge öçen menä şundıy xatın-qızlar suğış qaharmannarı kebek ük xörmätkä layıq. Xäzer alar - irsez tärbiälängän, üzläre äti-äni bulıp, tormışnıñ yögen tartıp baralar, ä tol xatınnar haman da suğıştan qaytmağan irlären kötälär kebek. Tol xatınnarına häykäl açu bu bäyrämneñ istälekle waqiğası buldı.
Al'bina Zäynulla, Qazan.

XS
SM
MD
LG