Accessibility links

Кайнар хәбәр

Äfganstan: Qabilä räisläre AQŞ belän strategik partnörlıqnı yaqlıy


Äfganstanda yözlärçä qabilä citäkçese prezident Hamid Qarzainıñ AQŞ belän ''strategik partnörlık''planın yaqlap çıqtı.Yäkşämbedä Qabulda cıyılğan qabilä citäkçeläre parnörlıq iqtisad, säyäsi elemtälär şulayuq xärbi yardemne dä küzdä totarğa tieş dip beldergän.Qarzai süzçese äytüenä kürä, yaqlaw xärbilärneñ ozın möddät Äfganstanda toruı buyınça Waşington häm NATO belän söyläşülärdä räsmi fazağa kerü mömkinçelege birä.Qarzai bu atnada Waşingtonğa barğançı Yevropada NATO başkavartirasında tuqtalış yasayaçaq.

Yäkşämbe könne Qabulda prezident sarayında tuplanğan yözlärçä qabilä citäkçese H.Qarzainıñ AQŞ häm NATO belän ozın möddätle strategik partnörlıq buyınça räsmi söyläşülär başlaw planın xuplap çıqqan. Prezident süzçese Jawed Ludin citäkçelärneñ yaqlawın alu Yevropa häm Waşington söyläşülärendä Qarzainın pozitsiäsen nığıta dide

Ludin(audio)

Qabilä räisläreneñ küpçelege Prezidentnıñ äfgan konstitutsiäsenä kürä bigräk tä bu mäsälädä ( AQŞ häm NATO belän strategik partnörlıq eşendä) mandatı bar tik añı soñraq parlament ratifikatsiälärgä tieş dip äytkän.

Ludin, Qarzai Waşington belän räsmi söyläşülär başlaunı parlament saylanğançı yäğni yıl azaqlarına qädär kiçekterep tora almıy, qabilä räisläre dä üzläre belän mäslixätläşelgängä bik qänäğät buldı dip söylägän. Qabilä citäkçeläre äfgan xökümäte AQŞ yäki başqa il belän tik xärbi genä tügel ä säyäsi, iqtisadi yardäm turında da söyläşergä tieş dip basım yasağan.Qarzai da ike atna elek jurnalistlarğa AQŞnıñ Äfganstanda ozaq waqıt toruı kiñräk strategik partnörlıq elemtälärenä bağlanırğa tieş digän ide

Qarzai(audio)

baza ğına buldıru Äfganstannın mänfäğätenä turı kilmi. Bez bazalar ğına telämibez. AQŞ Qırğızstanda finans yardäme birügä cawap itep anda baza açu xoquqın aldı Ämma ul başqa yöklämälär almadı. Bez AQŞnıñ Äfganstan belän qızıqsınuı kimegäç tä bezne buluı mömkin çit il intervensiälärennän saqlap qalu, wazğiätneñ 10, 15 xätta 5 yıl ävälenä qaytmawı öçen yäklämä aluın telibez. Bez sääyäsi, iqtisadi häm iminlek yäklämäläre telibez.Bolar isä AQŞnıñ bazalar urnaştıruı belän genä bula ala.

Azatlıq xabärçeläreneñ ğädi äfgannnar belän ütkärgän ängämälär dä alarnıñ Qarzai häm qabilä citäkçeläreneñ fikeren urtaqlaşqanın kürsätä.Jalalabadta Nangarhar Universitetı profesorı

Janek Zaran(audio)

AQŞ köçläre , İSAF häm NATO BMO mandatı bulğan köçlär, alar iminlek tämin itelgänçegä qädär monda torırğa tieş. Bez Ğıraqta bulğan xällärneñ monda qabatlanuın telämibez.

Äfganstanda Qabulda urnaşqan Suğış häm Tınıçlıq öçen İnstitut direktorı Jean Mackenzie fikrençä Qarzainıñ qabilä citäkçeläre belän mäslixätläşüe kiläçäktä xökümätneñ tänqitqä duçar bulmaw mäqsatın quya

MacKenzie(audio)

Qarzainıñ üz ğämälläre öçen citäkçelär fikrenä möräcäğät itüe möhim, ul AQŞlarına häm Yevropağa üz xalqı belän kiñäşläşmi bara digän täsir qaldırırğa telämi

H.Qarzai älege waqıtta parlamentsız idarä itä, anıñ üz inisiativalarına yaqlaw alu öçen berdän ber yul qabilä citäkçeläre belän kiñäşläşü. Qarzai başta Strasburgta Yevropa Parlamentında çığış yasayaçaq, annan Belgiädä NATO citäkçeläre belän oçraşa häm annan Waşingtonğa oça. färide xämit
XS
SM
MD
LG