Accessibility links

якшәмбе, 11 декабрь 2016, Казан вакыты 16:43

İkençe Bötendönya suğışı tämamlanunıñ 60 yıllığı Mäskäwdä xärbi parad belän bilgelände


İkençe Bötendönya suğışınıñ 60 yıllığın bilgeläw öçen Qızıl Mäydanda oyıştırılğan xärbi paradta bügen 50dän artıq däwlät citäkçeläre, meñlägän suğış veteranı qatnaştı. Rusiä prezidentı Vladimir Putin, dönya cämäğätçelege global qurqınıçlarğa qarşı bergäläp köräşergä tieş, dip belderde: "...suğış sabaqları – köç qullanu häm bitaraflıqnıñ global külämdä faciğa alıp kilä aluın kürsätte," dide Putin. Tantanalar aldınnan Mäskäwdä 80gä yaqın sulçı häm kommunstlar qulğa alınğan. Bu xaqta Exo radiosına Milli Bolşevik partiäseneñ matbuğat wäkile Aleksandr Averin xäbär itte. Milli Bolşevik partiäseneñ 50 äğzase qulğa alınğan. Yäşlärneñ kommunist firqase başlığı Sergei Udaltsov ta üz öyendä qulğa alınğan. Mäskäwdäge Latviä ilçelege qarşında räsmi röxsätsez uram cıyını oyıştırğan 30ğa yaqın Rodina firqase äğzase qulğa alınğan. Britaniäneñ Financial Times gazetında çıqqan açıq xatta xoquq yaqlawçılar bäyräm çaraları öçen Mäskäwneñ saylanuın täñiqtli, Rusiädä demokratiä torışı turında borçılu belderä. Mäskäwdä xärbi paradnı qarağan AQŞ prezidentı George Bush Gruziägä kitte. Anda anı sişämbe könne prezident Mixail Saakaşvili häm parlament başlığı Nino Burjanadze belän söyläşülär kötä. Bush şulay uq Tbilisnıñ İreklek mäydanında çığış yasayaçaq.

XS
SM
MD
LG