Accessibility links

якшәмбе, 11 декабрь 2016, Казан вакыты 07:05

Ğiraq-Süriä çigendä xärbi çara näticäsendä 75 suğışçı qulğa alınğan


Ğiraqtağı amerikan ğaskärläre ilneñ könbatışında Süriä belän çik buyında ğısyançılarğa qarşı xärbi çara uzdıra. Ber täwlek eçendä 75 suğışçı qulğa alınğan. Älege çara Anbar provinsiäsendä, Yefrat yılğasınnan tönyaqqa taba bara. Bu yaqlarda çittän kilgän suğışçılar tuplana digän xäbär bar. Bağdadta intixar höcümendä kimendä 4 keşe hälak bulğan. Alarnıñ ikese – Ğiraq polisiäse xezmätkärläre ide. Başqalada şulay uq cäberlängän soñınnan atıp üterelgän 8 ğiraqlınıñ mäyetläre tabılğan. Xärbilär belderüençä älege keşelär – tönyaq Bağdadnıñ şiğilär yäşägän Sadr bistäsennän bulğan. Başqalanıñ könyağındağı Är-räşid bistäsendä Ğiraq iminlek köçläre suğışçılar dip şiklänelgän 154 keşene qulğa alğan. Bügen Ğiraq xökümäte üzgäreşlärdän soñ inde ikençe tapqır wazifasına kereşü turında ant kiterde.

XS
SM
MD
LG