Accessibility links

Кайнар хәбәр

Ciñü könen başqortstanlılar da bäyräm itte


Töp bäyräm çarası başqalanıñ Lenin mäydanında uzdı. Ul Rusiä häm Başqortstan gimnnarın uynatqannan soñ, tearlaştırılğan tamaşa belän açıldı. Anda parawoz «külmäge» kigän tramwaylarda suğışqa ozatu, häm ciñep qaytışlıy qarşı alu küreneşläre kürsätelde. Artaban parad – xärbi yöreş buldı. Anda respublikta urnaşqan barlıq xärbi çästlar, militsiä törkemnäre, qursantlar, qädetlar qatnaştı. Oqtyäbr prospektı aşa tanklar ,BTRlar häm başqa xärbi texnik uzmasada ike qotoçmalı zur «ülem maşinaları» ütte. Alar - üzyöreşle mobil raqete qompleksları. Anıñ raqetaları 11 000 kilometr ara ütep, doşmannı yuq itü qodrätenä iä. Xärbi yöreştän soñ respubliknıñ sänğät ähelläre qatnaşlığında zur konsert kürsätelde, kiçke yaqta yäşlär öçen tamaşalar oyıştırıldı. Bäyräm çaraları şulay uq başqalanıñ başqa mäydannarı, respubliknıñ barlıq şähär, rayon häm awılında uzdı. Populyar cırçı Aydar Ğälimov teatr-studiäse urnaşqan Salyut» kinoteatrı binası qarşındağı mäydanda weterännar häm ufalılar öçen tamaşa kürsätte. Biredä weterännar öçen «frontowoy» 100gramm da oyıştırılğan ide.

Bäyräm salyut atular belän tämamlandı.

Başqortstannan öç weterän Mäskäwdä uzğan paradta qatnaştı. İkençe bötendönya suğışına bäyle qayber sannarğa möräcägät itik. Başqortstannan suğışqa 700 meñnän artıq keşe kitkän häm şularnıñ 300 meñnän kübräge suğış qırlarında yatıp qalğan. Bügenge könne 14 meñgä yaqın weterän isän, şularnıñ ike meñnän artığı xatın-qız. Başqortstannan 278 keşegä Sowetlar Soyuzı Geroyı iseme birelgän, 35 keşe Dan ordennarınıñ tulı qawalerı. Ber keşe – Musa Gäräyev ike tapqır Sowetlar Soyuzı Geroyı iseme alğan.
XS
SM
MD
LG