Accessibility links

Кайнар хәбәр

Mäxmüt Niğmätcanovqa 75 yäş tuldı


10 may könne tanılğan muzıka belgeçe professor, Tatarstannıñ atqazanğan sänğät eşleklese, Ğabdulla Tuqay premiäse lawreatı Mäxmüt Niğmätcanovqa 75 yäş tuldı. Şuşı uñaydan bez yubilyarğa şaltıratıp, anı olı bäyräme belän qotladıq. Mäxmüt äfände küp yıllar buyı tatar muzıkasın, anıñ tarixın öyränep, şuşı tarmaqta iñ tanılğan belgeçlärneñ berse. Gärçä ul, älege eşçänlegenä şaqtıy uraw yullar belän kilsä dä. Mäxmüt Niğmätcanov Azatlıq radiosı tıñlawçılarına üzeneñ muzıka sänğäten öyränügä niçek kilüe turında menä närsälär söyläde.

Min älege yulğa urıy-urıy kildem inde. Min awılda tordım bala çaqta. Bezdä tabiğät bik matur ide, ul da miña yoğıntı yasağandır. Annarı äni dä bik matur itep mönäcät, bäyetlär uqıy ide. Äti garmunda bik matur, osta itep uynıy ide, üze Ukrainada şaxter bulıp eşlägän keşe bulsa da. Minemçä, muzıka ul sälät kenä tügel, ä ul tormıştan kilä. Çönki muzıka ul bik borınğı, ğomum keşelek sänğät. Annarı min küp kenä muzıka qorallarında uynarğa öyrändem. Mäskäwdä uqığanda, muzıka belgeçlegenä uqımasam da, professional’ däräcädä orkestrda uynıy idem. Miña xätta Stalin bulğan konsertta da uynarğa turı kilde. Qazanğa qaytqaç ta ber orkestrğa çaqırdılar. Anıñ citäkçese mine köçläp diärlek konservatoriägä uqırğa alıp bardı. Menä şunnan inde min tatar muzıkası, anıñ tarixı, tatar ğöref-ğädätläreneñ milli muzıkağa yoğıntısın öyränä başladım

Bu bilgele muzıka belgeçe, professor, 10 mayda üzeneñ 75 yäşlek yubileyın bilgeläwçe Mäxmüt Niğmätcanov fikerläre ide.

Gölnaz İlgizär

XS
SM
MD
LG