Accessibility links

дүшәмбе, 5 декабрь 2016, Казан вакыты 23:42

İkençe Dönya Suğışı: Almannar suğışnıñ sonğı könnärendäge dähşätne iskä töşerä


Bu atnada xalıqara cämäğätçelek 2.çe Böten Dönya suğışınıñ betüen iskä alğanda , Germaniädä dä suğışnıñ sonğı könnärendä isän qalğan sivillärneñ şäxsi xäteräläre kiñ küläm mätbuğat çaralarında zur urın aldı.Qayberäwlär berektäşlärneñ yaqınlaşuı belän qoralların taşlawçılarnıñ natsilär tarafınnan yä atıp yäki asıp üterelüen,älegäçä endäşmi torğan xatın qızlar berektäşlär tarafınnan alınğan şähärlärdä köçlänülären söyläde. Germaniädä bu könnärdä kiñ küläm mätbuğat çaralarında yanğırağan istäleklärneñ qayberäwläre

Levitan(audio)

1945nçe yılnıñ 8.mayında Berlindä Germaniäneñ yuğarı komandalığı wäkilläre ,Germaniä qorallı köçläreneñ şartsız kapitulatsiäse turındağı aktqa qul quydı. Sovet xalıqlarnıñ alman faşist agressorlarına qarşı alıp barğan Böyek Watan suğışı ciñü belän tämamlandı. Germaniä tulısınça tar mar itelde .

Sovet citäkçese Stalinnıñ suğış tämamlanuı turındağı şuşı belderüe ciñüçelär öçen şatlıq bäyräm buldı. Küp kenä almannar xäzer suğış tämamlanıp kilgändä üzläreneñ deserterleknı tuqtatırğa tırışqan alman xärbiläre şulayuq üç alırğa telägän berektäş soldatlar tarafınnan cafalanuları üz başlarınnan kiçergännärne söyli. Germaniä kiñ küläm mätbuğat çaralarında olı yäştäge ir häm xatınnar ğailä äğzaları , duslarınıñ deserter bularaq küzläre aldında üterelgänen añlattı .Alarnıñ bik kübese AQŞ, Britan yäki sovet xärbiläreneñ kerüennän ber niçä säğät elek kenä üterelgän. Alman xatın qızı suğış azağında Freudenstadtta fransuzlar ä Berlindä sovet xärbiläre tarafınnan köçlängänen söyläde. Germaniä räsmiläre Berlindä 100meñ xatın qıznıñ köçlängänen farazlıy. Sonğı yıllarda bu turıda kitaplar basılıp çıqtı.Alman tikşerüçese Magdalena Krauss suğışta qotoçqıç xällärgä duçar bulğan sivillärneñ añlatqannarı bik möhim di

Krauss(audio)

Tarix kitaplarında suğış waqıtında bulğan zur höcümnär, qatı bombalaular turında yazıla. Ämma ğadi keşe kiçergännäre tiz onıtıla. Ber niçä yıl eçendä almannarnıñ bu buını ülep betäçäk.Ber kem dä ğadi xalıqnıñ suğış azağında kiçergännären söylämiäçäk.

München yaqınındağı Penzberg qasabası natsilärneñ suğış betüen qabul itergä telämi suğışırğa däwam itkän yözlärçä urından berse genä.45ylınıñ 27nçe aprelendä AQŞ xärbiläre Münchennän 20çaqırım yıraqta ğına bulğanda , Penzbergtä elekege Mer häm ber törkem keşelär qasabadağı cirle industriäne saqlap qalırğa teli. Alar yaqınlaşqan amerikan soldatlarına qarşılıq kürsätelmiäçäk dip böten täräzä, balkonnarğa aq cäymä, aq sölgelär elep quya. Ämma ikençeläre Münchendäge Natsi xakimiätlärenä xabär itä.Äle 75 yäşendäge Peter Brunner ul çaqta 15 yäşendä bula.Bu atnada Brunner ul çaqtağı xällärne añlattı. Natsilärneñ WERWOLF isemle berlege şunduq Penzbergqa kilep citep sivil mer häm 6 keşene atıp üterde 9keşene şähär binası balkonı yäki ağaçlarğa asıp quydı , 2 xatın qız da ülüçülär arasında dip söyli ul.Maria Wallerrthauser üterelgän atasınıñ mäyetendä 26 uq yarası sanağan. Maria xanım äti şähärneñ cimerelüen genä tuqtatırğa tırışqan öçen üterelde dide. Konzlager urnaşqan Dachau yanında da xalıq sonğı minutta natsilärgä qarşı başkütärergä tırışqan.AQş xärbiläre şähärne aludan ber kön elek keçkenä ber törkem natsi meren qulğa ala . Ämma ikençeläre ber niçä yöz meter yıraqta urnaşqan konzlagerdağı SS berlegenä xaber cibärä. Moña oxşaş waqıyğälär küp. Zamana şaxitläre Berlin, Köln Hamburg häm başqa şähär uramnarında xärbi berleklärennän qaçqan häm yaqınlaşqan sovet armiäse qulına elekmäskä tırışqan deserterlarnı üterep yöregän mäxsus törkemnär turında söyli. Suğıştan sonğı tikşerülär, suğış waqıtnda qaçqan öçen xökem itelgän soldatlar sanın 35meñ dip faraz itä. Alarnıñ 23meñe üterelgän. Ämma suğışnıñ sonğı mizgelendä küpme sivil üterelde sannar da farazlar da yuq. färidä xämit
XS
SM
MD
LG