Accessibility links

шимбә, 10 декабрь 2016, Казан вакыты 13:47

AQŞ prezidentı George Bush Yevropağa säfären Gruziädä tämamladı


Gruziä başqalasınıñ Tavisupleba - İreklek mäydanında cıyılğan distälägän meñ keşe aldında amerikan prezidentı George Bush Gruziägä teläktäşlek belderde, ämma könbatış belän bergä bulu öçen – üzendäge nizaqlarnı tınıç yul belän çişü möhim, dide. Añarçı Gruziä prezidentı Mixeil Saakaşvili, Abxaziä belän Könyaq Ossetiäne tınıç yullar belän Gruziä xakimiäte astına qaytaraçağın beldergän ide. Gruziä ilbaşı Quşma Ştatlarğa, dönyada, şul sanda Belarusta da demokratiäne cäyelderü eşendä yardäm itäçägen wäğdä itte: "Ber äyber äytim sezgä. Bez barıbız da üz illärebez aldında cawaplı. Bez demokratiäne dönyada cäyelderü öçen cawaplı, Belarustan başlap, anıñ xalqınıñ irekle bulırğa xoquqı bar. " dide Saakaşvili. Gruziä parlamentı berniçä atna elek Belarusta demokratik üzgäreşlärne yaqlap rezolüsiä qabul itkän ide.

XS
SM
MD
LG