Accessibility links

сишәмбе, 6 декабрь 2016, Казан вакыты 17:16

Äfğan xalqı atıp üterelgän cırçı Nasrat Parsanı iskä ala


Äfğan xalqı yäkşämbe könne Kanadanıñ Vancouver şähärendä tamaşadan soñ atıp üterelgän tanılğan cırçı Nasrat Parsanı äle dä iskä ala. Mäğlümat, mädäniät häm turism ministrı urınbasarı Ğolam Mohammäd Yosufzai, "cırçılar – cämğiätneñ ruxi milke. Bu bäxetsezlek bezne bik tirän borçuğa saldı" dide. Parsa – xakimiättä Taliban utırğan çaqta Äfğanstannan qaçqan sänğatkärlärneñ berse ide. Taliban çorında cırlaw häm xattä muzıka tıñlaw – İslamğa qarşı dip tıyılğan ide. Çitkä kitkäç Parsa Äfğanstannıñ iñ populyar cırçılarınıñ bersenä äylände. Ul cırların 10 cıyıntıqqa tupladı, dönya buylap, şul sanda Australiä, Britaniä, Germaniä häm Niderlandta üz tamaşaların oyıştırdı. Yäkşämbe könne Vancouverdağı Patşabikä Elizaveta teatrı binasında uzğan tamaşadan soñ çıqqanda cırçığa höcüm yasaldı. Berniçä säğät komada bulğannan soñ Parsa wafat buldı. Polisiä mäğlümatlärenä qarağanda, höcümne oyıştıruda şiklänelgän keşe qulğa alınğan. Äfğanstannıñ üzendä dä islam suğışçıları xalıqara yärdäm oyışmalarınıñ eşenä kirtä sala. CARE oyışması belderüençä uzğan yıl anıñ 24 xezmätkäre üterelgän. Bıyıl inde 5 keşe hälak bulğan. Tönyaqtağı Bağlan provinsiäsendä suğışçılar, xalıqara oyışma öçen eşlägän ber xatın-qız häm anıñ ike qızın qıynap ütergän.

XS
SM
MD
LG