Prezident Hamid Qarzai, bügen Yevropa Berlege häm Amerika Quşma Ştatlarına möräcäğät itep, Äfğanstanğa äle 10-15 yıl yärdäm kiräk bulaçaq, dip belderde. Añarçı Äfğanstan üz büdjetı belän yäşi almayaçaq, dide Qarzai. Yevropa Parlamentı aldında çığış yasap, Äfğan prezidentı, Yevropa yärdäme belän ildä tormış yaxşıra, dide. Ämma äle dä Äfğanstan – yäşäw däräcäse iñ tübän bulğan illär isemlegendä soñğı urınnarnıñ bersendä tora häm yardäm tağın da kübräk kiräk, dide Qarzai: "İñ awır çor alda äle. Äfğanstannıñ sosial üseşe bilgese – äle bik tübän. Bezdä yaña tuğan balalar arasında ülemnär sanı bik yuğarı, keşelärneñ ğömere iñ qısqa. Bezdä beleme bulmağan keşelärneñ sanı, qabul itelmäslek yuğarı, bigräk tä xatın-qızlar arasında. Şuşı bilgelär bezne BMOnıñ keşeçelek üseşe isemlegendä bezne iñ soñğı urınnarnıñ bersenä, arttan 5nçe urınğa quya." dide Qarzai. Bügen kiç Qarzai Strasburgtan Brüsselgä kitte. Anda anı NATO general sekretare Jaap de Hoop Scheffer belän orçaşu kötä.
