Accessibility links

дүшәмбе, 5 декабрь 2016, Казан вакыты 03:34

Ğiraqta konstitusiä ölgesen äzerlär öçen 55 keşelek komitet tözelde


Ğiraq parlamentı ilneñ konstitusiä ölgesen äzerliäçäk komitet tözede. 55 keşelek komitetnı tawış birüdä qatnaşqan 161 deputatnıñ 142se xupladı. Törkemdä şiğilär küpçelekne täşkil itäçäk, alar 28 urınnı aldı. 15 keşe – körd ittifağı äğzaläre, elekke premyer-ministr İyad Allawi firqasennän 8 keşe, häm qalğan 4se – keçkenä partiälär wäkilläre. Bilgelängän waqıtqa äzer bulsa, Ğiraq konstitusiäse 15 üktäberdä xalıqqa referendumda täqdim itelergä tieş. Bügen Ğiraq başqalası üzägendä 2 maşina şartlap kimendä 7 keşe hälak buldı, 19 keşe yaralandı. Eçke eşlär ministrlığı mäğlümatlärenä qarağanda, alarnıñ berse , yanınnan amerikan xärbi konvoyı uzıp barğanda şartlağan. Şulay uq Tigr yılğası yar buyında intixarçı maşinasın şartlatqan. Ğiraq belän Süriä çik buyında xärbi çaralar inde 3nçe kön däwam itä. Anda 100gä yaqın ğısyançı häm 3 amerikan xärbie hälak bulğan.

XS
SM
MD
LG