Accessibility links

Könyaq Korea prezidentı Üzbäkstanda


Bügen Üzbäkstanğa prezidentı İslam Kärimov çaqıruı belän Könyaq Korea prezidentı Roh Moo-hyun kilde. İke könlek säfäre barışında Könyaq Korea häm Üzbäkstan prezidentları urtaq neft häm gaz proyektlarına qul quyaçaq, ike yaqlı xezmättäşlekne arttıru turında başqa törle qağäzlärne imzalayaçaq. Çärşämbe könne Üzbäk-Könyaq Korea eşmäkärlär cıyını bulaçaq, ike il citäkçeläre anda da qatnaşır dip kötelä. Könyaq Korea prezidentı şulay uq Üzbäkstandağı korealılar belän oçraşaçaq häm Samarkand şähärenä baraçaq. Üzbäkstannıñ könçığışındağı Andijan şähärendä isä, tıyılğan islam törkemenä qatnaşuda ğayeplänep qulğa alınğan 23 keşene irekkä çığarunı taläp itep 100gä yaqın keşe xökem eşe barğan mäxkämä aldına cıyıldı. Älege 23 keşe tıyılğan Hizb-ut-Tahrir oyışmasınıñ ber qanatı bulğan Akrimiya xäräkätenä bäyle buluda şiklänelä. Alarğa xökümätne bärep töşerü häm dini extremismnı cäyelderü tırışlığında ğayepläw belderelgän.
XS
SM
MD
LG