Accessibility links

шимбә, 3 декабрь 2016, Казан вакыты 22:42

Tatar matbuğatınıñ 100 yıllığı niçek ütäçäk


Bıyıl Qazanda 17 maydan 19 ğına qädär uza torğan Media-forum, oyıştıruçılar süzlärenä qarağanda, respublikada 2005 yılda ütä torğan töp çaralarğa – Qazannıñ meñyıllığına, Ciñü bäyrämeneñ 60 yıllığına bağışlana. Tağın ber zur waqiğa – tatar matbuğatı barlıqqa kilüeneñ 100 yıllığına da Media-forumnı ütkärüçelär ayıruça iğtibar biräçäklär. Näq menä şuşı çaralar Qazanda may urtasında ütäçäk çaranıñ üzençälegen häm eçtälegen bilgeläyäçäk.

Media-forumnı ütkärü, anıñ qısalarında uçazaq çaralar turında tulıraq mäğlümät alır öçen bez Tatmedia agentlığına möräcäğät ittek. Tatmedianıñ massaküläm mäğlümlät çaraları häm bülege citäkçese Färit Gäräev Azatlıq radiosına bu xaqta menä närsälär söyläde.

Әлеге чараның максаты, быел республикада билгеләп үтелә торган зур юбилейлар уңаеннан булса, икенче максаты, татар матбугатының 100 еллык тарихында күрсәтү. Чынлап та, бүгенге көндә 100 еллык матбугат тарихына ия булган милләтләр Русиядә бик аз

Forum qısalarında ütäçäk çaralar arasında milli matbuğatqa bağışlanğannarı da şaqtıy. Färit Gäräev däwam itä

Media-forum qısalarında 17 may könne Qazan däwlät universitetı belän berlektä, “Tatar waqıtlı matbuğatı: ütkäne, bügengese, kiläçäge” dip atalğan zur fänni-ğamäli konferensiä belän başlanıp kitä. Älege konferensiädä qatnaşırğa teläp, küp kenä tatarlar yäşi torğan töbäklärdän, qäläm ähelläre qatnaşırğa teläp ğarizalar cibärdelär. 18 may könne Tatar kongressı belän berlektä Tatar internetınıñ 3 forumı uzaçaq. Anda, Tatnet yoldızları bäygesendä ciñülär yawlağan keşelär häm tatar internetçıları qatnaşır dip kötelä

Qazanda uzaçaq Media-forum tatar basma matbuğatınıñ 100 yıllığına bağışlana. Şuña kürä, töbäklärdäge tatar jurnalistları da maxsus çaqırılaçaq dip belderde bezgä oyıştıruçılar.

Gölnaz İlgizär

XS
SM
MD
LG