Accessibility links

чәршәмбе, 7 декабрь 2016, Казан вакыты 17:26

AQŞ ğäskärläre Ğiraqnıñ könbatışında ğisyançılarnıñ köçle qarşılığına tap buldı


Soñğı könnärdä Ğiraqnıñ üzäk-könbatışında ğisyanıçlar nığıtmasına höcüm itkän amerikan ğäskärläre, uzğan yılğı Fälluca bäreleşlärennän birle kürelmägän, köçle qarşılıqqa tap buldı. Bu ğisyançılar küpkä yaxşıraq äzerlengän häm qorallanğan, dip xäbär itelä. Şuşı xällär Washington belän Bağdadnıñ Ğiraqta menä inde 2 yılğa suzılğan tınıçlıq urnaştıru tırışlığına qarata yaña sorawlar uyattı.

Meñgä yaqın amerikan diñgezçese xärbi maşinalar häm boralaqlar yärdämendä şimbädä Ğiraqnıñ üzäk-könbatış töbäklärendä "Matador" dip atalğan, uzğan yılnıñ noyäberendä Fällucanı alğannan birle iñ köçle tazartu operatsiäsen başladı. Amerikan generalı James Conway sişämbedä Washingtonda jurnalistlarğa äytüençä, 4 kön eçendä 3 diñgezçe häläq bulğan, 20gä yaqını yaralanğan, 100dän artıq ğisyançı yuq itelgän. 6 ay elek Fallucadan qısıp çığarılğan ğisyançılar könbatıştağı Äl-Anbar töbägenä kitep yaña nığıtmalar qorğan, operatsiäneñ maqsatı – şularnı tar-mar itü, dide amerikan generalı.

Bäreleşlär Süriä çigendäge urnaşqan qalalarda bara. Şuşı töbäk aşa Ğiraqqa Süriädän qoral häm suğışçılar kiterelä, Äl-Qaidäneñ Ğiratqağı citäkçese Äbü Musab äl-Zarqawi dä şunda sıyına digän farzalar bar.

General James Conway süzlärençä, bu ğisyançılar bik yaxşı qorallanğan häm bik qatı qarşılıq kürsätä:

Audio (James Conway)

"Kilgän xäbärlärgä qarağanda alar xärbi kiemgä kiengän, qayberläreneñ tän saqlağıç jiletları bar. Alarnıñ äzerlege başqaları belän çağıştırğanda yaxşıraq digän şik bar."

Ğisyançılarnıñ şuşı qarşılığı Washington häm Bağdadnıñ Ğiraqta menä inde 2 yılğa suzılğan tınıçlıq urnaştıru tırışlığına qarata yaña sorawlar uyattı.

Uzğan yıl Falluca operatsiäsendä meñ yarım ğisyançı yuq itelep, tağın şul çaması qulğa alınğaç, amerikan komandirları ğisyannıñ däräcäse kimer dip ömetlängän ide. Soñğı waqiğalar isä ğisyançılarnıñ äle dä xälle bulıun, fäqät ğämällären başqa töbäklärgä küçerüen kürsätä.

Londondağı Jane''s törkeme belgeçe Jeremy Binnie fikerençä, xärbi yaqtan qarağanda älegä ğisyançılarnıñ uñışı yä kiresençä, uñışsızlığı turında süz yörtüe qıyın. Ä menä Bağdadtağı qayber säyäsi adımnar, ğisyançılar safında çınlap ta büleneş tudıra ala di ul:

Audio (Jeremy Binnie)

"Ğisyançılar arasındağı qayber Baatçılar xökümät belän söyläşülär başlağan, digän ğäybätlär bar. Yänäse saqlanu ministrı itep bilgelängän sönni keşese alarğa yarlıqaw birep üz yağına awdara ala. Bu uañydan äytelgän borçularnı ğisaynçılarnıñ internetta bastırılğan qayber belderülärennän kürep bula."

Şulay itep, Ğiraqtağı köräş häm xärbi häm säyäsi kimäldä bara sıman. Tik bu köräşneñ axırı ğına kürenmi. Xäbärlärdän işetüegezçä, çärşämbedä Ğiraqnıñ törle urınnarında bulğan intihar höcümnär näticäsendä 60tan artıq keşe häläq bulğan.

-Ali Gilmi
XS
SM
MD
LG