Rusiä prezidentı Vladimir Putin, ildä iqtisad belän milli iminlek tığız bäyläneştä torğan töbäklärgä çittän invsetisiälär kertüne çikläw turında qanun ölgesen äzerläwne sorap xökümätkä möräcäğät itte. Kremlneñ matbuğat xezmäte, Putinğa sıltaw yasap, qanun ölgese 1nçe noyabergä äzer bulırğa tieş, dip xäbär itte. Bu yaña qanun däwlät xärbi zakazlar, tabiği baylıqlarğa monopoliälär belän eş itüçelärgä qağıla. Şulay uq bu yaña tärtip Gazprom kebek gaz monopoliäse aksiälärenä çit il keşeläre iä bula almıy digän çikläwlärne kertäçäk, dip farazlana.
