Accessibility links

якшәмбе, 11 декабрь 2016, Казан вакыты 14:50

Äfğanstandağı uram cıyınnarında qanaşuçılarğa qarşı köç qullanıldı


Äfğan polisiäse könçığış Äfğanstanda bulğan amerikağa qarşı uram cıyının taratqanda köç qullandı. Kimendä 3 keşe hälak bulğan dip xäbär itelä, ämma qayber mäğlümat agentlıqlarında 4 keşe hälak bulğan digän xäbärlär bar. Brüsseldä säfärdä bulğan äfğan prezidentı Hamid Qarzai, soñğı xällär, Äfğanstandağı oyışmalarnıñ älege wazğiättä çaralar kürergä öyränmägänen kürsätte, dip belderde. Kubadağı Guantanamo bazasında amerikannarnıñ totqınnardan soraw alğanda Qoränne mısqıl itüe turında xäbärlär taralğannan birle inde 2nçe kön uram cıyınnarı uzdı. Pentagonnıñ matbuğat wäkile leytenant polkovnik Barry Venable, cıyın waqıtında tirä yaqta amerikan köçläre bar ide, ämma alar anda qatnaşuçılarğa qarşı köç qullanuda qatnaşmadı, dip belderde. "Uram cıyınına dip amerikan bazasınnan ber genä xärbi dä çığıp kitmäde," dide Pentagon wäkile. Sişämbe könne Calalabad şähärendä 2 meñgä yaqın student uramnarğa çığıp "Amerikağa Ülem!" digän şiğärlär qıçqırdı.

XS
SM
MD
LG