Qırğızstannıñ Namus partiäse üz başlığın Feliks Kulovnı alda torğan prezident saylawlarına namzät itep täqdim itte. Älege qarar firqaneñ Bişkäktä uzğan qorıltayında qabul itelde. Cıyında çığış yasap, Kulov, Qırğızstandağı töp mäs'älä – qanun xakimiäte häm tärtip urnaştıru bulıp qala, bügenge xäl çit il investorların qurqıta, dip belderde. Prezident saylawlarınıñ ğadel häm açıq bulu zarurlığı da – töp mäs'älä, dide Kulov: "Bezneñ maqsatıbız bik ğadi – namzätlärneñ kem buluına häm sezneñ kemne yaqlawığızğa qaramastan, saylawlarnı ğadel häm irekle itep oyıştırırğa," dide Kulov. 12 namzät 10 iül könne uzaçaq prezident saylawlarında qatnaşırğa niät beldergän.
