Accessibility links

пәнҗешәмбе, 8 декабрь 2016, Казан вакыты 07:12

Ğiraqta intihar höcümnäre üsü yağında, yaña xökümät moña qarşı älegä berni eşli almıy


Äfğanstannan ayırmalı bularaq Ğiraqta keşelärneñ hälak buluı, şartlawlar, törle çualışlar inde köndälek küreneşkä äylände. Atnakiç anda ber general üterelde, Bagdadta häm tönyaqtağı Kirkuk şähärlärendä yaña şartlawlar buldı. Çärşämbedä isä şundıy şartlawlar näticäsendä genä dä Ğiraqta kimendä 70 keşe ülde, 100-dän artığı yaralandı. Qorbannarnıñ zur öleşen ğadi xalıq täşkil itä, ğisyançılar üz höcümnären bazarlarda, keşe belän tulğan uramnarda, xätta mäçetlär yanında da oyıştıra. Wäzğiatneñ şulay kierenkelänüe xalıqta yaña xakimiatkä ışanunı kimetä.

Äye, xörmätle tıñlawçılar, aşığıç yardäm maşinaları, kötelmägän höcümnärdän şaşqan, cäräxätlär alğan keşelärneñ qıçqıruları Ğiraq öçen xäzer ğädäti ber närsägä äylände diärgä bula. Bagdad üzägendä yäşäwçe Samiä äle ber yıl elek kenä üze torğan urınnı imin dip sanağan bulsa, bügen inde ul monı alay özderep äytä almıy. Küptän tügel genä ber intihar höcümçe bomba quyğan maşinasın amerikan xärbiläreneñ Samiä öyı yanında torğan maşinasına kiterep bärgän, bu köpä-köndez, bar ğailä, şul isäptän balalar da öydä çaqta buldı dip belderä Samiä häm höcüm näticälären bolay sürätli:

Audio, Samiä

"Bezneñ baqça buylap keşe qaldıqları sibelgän ide, ä kürşelärebez üzlärendäge şul qaldıqlarnı ber qapçıqqa cıyıp yörde. Alar kemneke bulğandır - amerikan ğäskärienekeme, ällä şul höcümne yasağan axmaqnıqımı - belmim, barı tik baqçadağı keşe ite, keşe bädäne qaldıqların ğına xäterlim" dip iskä töşerä Bagdadta yäşäwçe Samiä. Anıñ süzlärenä qarağanda, mondıy intihar höcümnär şähärneñ ul yäşägän öleşendä xäzer köndälek ber küreneş. "Min inde qızımnı mäktäpkä cibärergä qurqam, çönki anıñ öygä kire isän-imin qaytuın belä almıym. Ğiraqta berqayçan da mondıy cähännäm bulğanı yuq ide" di Samiä. Londonda yäşäwçe Yaqın Könçığış belgeçe Jeremy Binnie, Ğiraqta intihar höcümnäre şöbhäsez üsü yağında häm alarnı tuqtatu öçen ällä ni eşläp bulmıy. Küplär şul höcümnär artında amerikannarğa qarşı köräşü öçen Ğiraqqa çittän ütep kergän suğışçılar tora dip uylıy. Quşma Ştatlarnıñ Ğiraqtağı ğäskäri citäkçelege bu uñaydan, ilneñ tışqı çiklären, berençe çiratta Süriä belän çiklären yabu xästären kürergä tırışa. İkençelär, intihar höcümnärne tuqtatu öçen amerikannarğa, ğäskäri çaralar belän mawıqqançı, cirle xalıqnıñ ışanıçın qazanu kiräk dip belderä. Läkin Jeremy Binnie, monıñ aşa ğına höcümnärne tuqtatu mömkin bulmayaq dip isäpli:

Audio, Jeremy Binnie

"Ğiraqta däwam itkän intihar höcümnären tuqtatu bik awır bulaçaq. Ägär dä sez sönni ğäräplär küpçelegeneñ küñelen yawlasağız da, alar arasında höcümnären däwam itteräçäk radikal'' azçılıq qalaçaq" di Yaqın Könçığış belgeçe Jeremy Binnie. Ul şulay uq, soñğı höcümnärne barı tik çittän kilgän suğışçılarğa ğına bäyläw döres tügel, alar artında elekke Saddam xakimiate wäkilläre dä bula ala dip belderä. Ğiraqtağı totrıqlılıqnı qaqşatu maqsatı, anda amerikannarğa qarşı köräşkän törle törkemnärneñ - radikal'' islamçılar häm Saddam çorındağı dönyawi xakimiat wäkilläreneñ, ideologik qaraşları törle buluğa qaramastan, berläşüenä kiterä, di Binnie.

Kärim Kamal
XS
SM
MD
LG