Accessibility links

пәнҗешәмбе, 8 декабрь 2016, Казан вакыты 23:03

Äfğanstannıñ 10 vilayätendä uram cıyınnarı uzdı


Könçığış Äfğanstannıñ Nangahar vilayäte Xocyani töbägendä qarşılıq çarasında qatnaşuçılar häm äfğan iminlek köçläre arasındağı bäreleşlärdä bügen kimendä 3 keşe hälak bulğan. Wardaq vilayätendä şundıy uq uram cıyını turında eçke eşlär ministrlığınıñ matbuğat wäkile Luftullah Maşal Azatlıq radiosına söyläp birde: "Bügen Wardaq provinsiäsendä 1 keşe hälak buldı, berniçä keşe yaralandı," dide ministrlıq wäkile. Kiçä Cälälabad şähärendä dä näq şundıy uq protest çarası waqıtında polisiä belän bäreleşlär bulğan ide. Kiçä 4 keşe hälak buldı, 70tän artığı yaralandı. İsegezgä töşerep ütäm, älege uram cıyınnarı, Kubadağı Guantanamo bazasında amerikannarnıñ totqınnardan soraw alğanda Qoranne mısqıl itüläre turındağı xäbärlär çıqqannan soñ başlandı. Qarşılıq çarası bügen Qabulda da uzdı. Eçke eşlär ministrlığı mäğlümatlärenä qarağanda, uram cıyınnarı bügen Äfğanstannıñ 10 provinsiäsendä ütkän. Amerikan räsmiläre süzlärenä qarağanda Qoränne mısqıl itü oçraqları terkälgän, ğayeple bulğannar cäzağa tartılaçaq.

XS
SM
MD
LG