Yevropa Berlege Äfğanstanğa 340 million yevrolıq yardäm cibärüe turında iğlan itte. Berlek komissiäse prezidentı Jose Manuel Barosso, Brüsseldä säfärdä bulğan Äfğanstan prezidentı Hamid Qarzai belän berlektä matbuğat oçraşuı oyıştırıp, bu aqça sälämätlek saqlaw sisteması häm awıl xucalığına, cirdä eşläwçelärne mäk üsterüne tuqtatırğa künderü öçen birelä, dip belderde. "Mäk üsterüne tiz genä tuqtatıp bulmayaçaq. Sabırlıq häm waqıt kiräk. Bez awıl xucalığın üsterergä yardämne däwam itäçäkbez, bu Äfğanstanda äfyüngä qarşı köräş qısalarında başqarıla," dide Barosso. Qarzai heroin citeşterü kimi, bıyılğı sannar inde 30%qa kim bulaçaq, dip belderde. Soñğı 3 kön däwamında äfğan prezidentı NATO häm Yevropa Berlege wäkilläre belän oçraşular uzdırdı.
