Accessibility links

якшәмбе, 4 декабрь 2016, Казан вакыты 06:58

Yevropa Keşe Xoquqları Mäxkämäse Abdulla Ocalan östennän yaña xökem eşe uzdırunı täqdim itä


Yevropa Keşe Xoquqları mäxkämäse Törkiäneñ 1999nçı yılda kördlär yulbaşçısı Abdulla Ocalan östennän xökem eşe ğadel bulmağan digän qarar qabul itte. Mäxkämä xekem eşen yañadan başlawnı täqdim itä. Üktäberdä Berlekkä kerü söyläşülären başlarğa ömetlängän Törkiä xökümäte, mömkin bulğannarnı eşliäçägen belderde. Premyer-ministr Recep Tayyıp Erdoğan, Yevropa mäxkämäseneñ qararında xökem eşe ğadel bulmağan dielä, ä ğayepläwlär tügel, dip belderde. Yaña xökem eşe dä Törkiä qanunnarı nigezendä baraçaq, dip östäde ul. Strasburgta, Ocalannıñ advokatı Markus Mueller, mäxkämä qararın körd yulbaşçısı öçen uñış dip atadı: "Bügen bulğan xäl – Abdulla Ocalan möräcäğäteneñ näticäle bulğanın kürsätte, mäxkämä xökem eşeneñ ğadel bulmağanın, häm yaña xökem eşe başlaw – iñ yaxşı yul buluı turında qarar çığardı," dide advokat. Yevropa Berlegeneñ matbuğat wäkile, Törkiä, Berlekkä namzät bularaq, älege qararnı xörmät itergä tieş, dip belderde. Ocalan, 37 meñgä yaqın keşeneñ ülemenä kitergän ğısyan oyıştıruda ğayeplänep ğömerlek törmä cäzasına xökem itelgän. Belderüedä – Ocalan bäysez häm obyektiv mäxkämä tarafınnan xökem itelmägän, dielä.

XS
SM
MD
LG