Accessibility links

җомга, 9 декабрь 2016, Казан вакыты 16:36

Yevropa belän İran arasındağı söyläşülär özelergä mömkin


İrannıñ atom programması tiräsendäge wazğiät kierenkeläşä bara. Yevropa wäkilläre berençe tapqır, ägär dä İran uran bayıtu eşçänlegen tuqtatmasa, älege mäsäläne Berläşkän Millätlär Oyışmasınıñ İminlek Şurası köntärtibenä quyırğa täqdim itkän AQŞnı yaqlayaçağın belderde. Fransiä, Germaniä häm Britaniä tışqı eşlär ministrları, İrannıñ atom mäs'älälärendäge aradaşçısı Hassan Rowhani'ğa, Tährannıñ atom eşçänlege yañartuı – Yevropa belän İran arasındağı söyläşülärneñ tämamlanuın añlataçaq digän xat yulladı. Aña qadär Rowhani däwlät televidenie kanalında çığış yasap, İran tizdän uran bayıtunı däwam itäçäk, dip beldergän ide: "Bu xäldä söyläşülär däwam itü mömkin tügel. Bez eşçänlekne tuqtattıq häm bolay däwam itü bezgä awır häm qimmätkä töşä. Yevropağa bu ber tien dä tormıy, häm alarnıñ mänfäğätenä dä turı kilä torğandır. Şunıñ öçen bez uran bayıtunı öleşçä bulsa da däwam itergä cıyınabız," dide Rowhani. Ämma Yevropadan xat alğaç, Rowhani, uran bayıtu eşçänlegen xäzer ük yañartu plannarı yuq dip beldergän. AQŞ İrannı atom eşçänlegen qoral citeşterü öçen başqaruda ğayepli. İran monı kire qağa.

XS
SM
MD
LG