Accessibility links

чәршәмбе, 7 декабрь 2016, Казан вакыты 15:32

Ufada Riza Fäxretdingä bağışlanğan simpozium ütte


Comğa könne Ufada, Başqortstan Fännär aqädemiäseneñ Tarix, tel häm ädäbiät institutında «Başqort häm tatar xalıqları mädäniäte häm Riza Fäxreddinov mirası» digän temğa töbäqära simpozium bulıp ütte. Başqortstan belän Tatarstan Fännär aqädemiäläre arasındağı üzara xezmättäşlek proğramması qısalarında oyıştırılğan bu cıyınğa Qazan belän Çallıdan da ğälimnär kilgän ide. Ğilmi forumda distlärçä çığış tıñlandı. Ğälimnär Riza Fäxreddinneñ tormışı häm küpqırlı eşçänlegeneñ törle yünäleşlären yaqtırtqan doqladlar äzerlägän. Qazan ğälime Marsel Äxmätcanov Riza Fäxreddin şäxesen öyränügä küp köç salğan keşe. Şuña da anıñ mäğlümatları simpoziumda qatnaşuçılarda ayıruça zur qızıqsınu uyattı.

Cıyında äle Riza Fäxreddinneñ tormışı häm eşçänlegen centekle öyränü häm yañadan-yaña xezmätlär yazu kiräklege dä assızıqlandı. İke respublik ğälimnäreneñ bu yünäleştä bergäläp eşläwe tağın da näticäleräk bulır ide digän fikerne bügenge cıyında qatnaşuçılar därräw xupladı. Fänis Fätxi, Ufa.

XS
SM
MD
LG