Accessibility links

якшәмбе, 4 декабрь 2016, Казан вакыты 11:20

Qazan bäyrämgä äzer bulırmı?


Tatarstan citäkçelege Qazanda 13 may könne şähärdäge tözelä torğan töp tözeleşlärneñ baruı belän tanıştı. Mintimer Şäymiev belän bergä alar şähär üzägendä Qazannıñ ratuşası, Musa Cälil isemendäge opera häm balet teatrın tözekländerü eşläreneñ barışı belän qızıqsındı, iske aeroport urınında tözelä torğan ippodrom nindi xäldä buluın kürde. Äytergä kiräk, Tatar-infoem agentlığı mäğlümätlärenä qarağanda, Tatarstan prezidentı Qazannıñ meñyıllığı aldınnan alıp barıla torğan tözeleş häm tözekländerü eşläre belän qänäğät qalğan. Qazanda äle cimerek binalar, yullar yäki tözeleş eşläre bara torğan urınnar bik küp bulsa da, alar barısı da grafik buyınça alıp barıla ikän. Dimäk, avgust ayına qädär, başqalanıñ olı yubileyına qunaqlar kilä başlağançı bar eşlär dä äybät kenä tögälläner, digän ömettä qala şähär häm respublika citäkçelege. Läkin qayber ğadi qazanlılar bu fiker belän kileşep betmi. Bigräk tä, cimerek Qazan uramnarındağı bökelärdä torğanda.

Ul arada inde metronıñ da 80 protsentqa äzer buluı turında xäbärlär işetelä başladı. Anı tözü idäräse wäkilläre süzlärenä qarağanda, mäsälän, Gorki tuqtalışında inde stansiäneñ eçke tözekländerü eşläre alıp barıla ikän. Ä respublikanıñ yanğın sünderüçelären başqa problemalar borçıy. Bäyräm könnärendä Tatarstan urmannarında yanğınnar başlanğan. Respublikanıñ ğädättäntış xällär ministrlığı tatarstanlılarğa tabiğättä yal itkändä ut belän sağraq bulırğa kiñäş itsä dä, 9 maydan soñ respublika urmannarında berençe yanğın oçraqları terkälgän.

Gölnaz İlgizär

XS
SM
MD
LG