Accessibility links

чәршәмбе, 7 декабрь 2016, Казан вакыты 17:24

«Tatnet yoldızları-2005» bäygese oyıştıruçıları añlatmalar birä


Ütkän tapşıruğa kütärelgän problema bu atnada yaña borılış aldı. İsegezdä bulsa, xörmätle tıñlawçılar, ütep kitkän programmada «Tatnet yoldızları- 2005» digän bäyge turında häm anda kilep tuğan xäl xaqında söylädek. http://www.azatliq.org/news/local/tb/archives/2005/05/06.ASP Bäygedä barı 2 genä nominatsiä tatar telendä, ä urıs telendä 5, nigä bu şulay, dip oyıştıruçılardan añlatmalar soradıq. Bu atnada bezneñ tapşıruğa, bäygene oyıştıruçı keşelärneñ berse, Mäskäwdäge millättäşebez, Aynur Sibğatullinnan xat kilde.

Ber-niçä özek: « Berençedän, bäygeneñ nigezlämäse, internetta 1 dekaberdä uq basılıp çıqtı. Ul waqıtta, tänqitlärne belderergä mömkin ide. İkençedän, bu tärtiplär, minem Qazaqstan internetı büläge öçen ütkärelä torğan bäygedä eşläw täcribäsennän dä kilep çıqtı. Qazaqstan häm Tatarstan, yäşägän millätlär sanı belän dä, milli internetı belän dä ber bersenä yaqın. Qazaq internet bäygedä qatnaşqan saytlarnı 21 törgä bülep qaradılar, ä qazaq telendä ber genä nominatsiä buldı. Üzbäk internet bäygesendä dä şundıy uq xäl. Närsä, qazaqlar belän üzbäklär, zamança texnologiälärdä milli telläreneñ qullanuın telämilär, dip uylıysızmı?». Aynur Sibğatullin, şuşı internet bäygelärneñ jyuri äğzäse bularaq qatnaşqan bulğan. Anıñ fikerençä, milli tellärdäge häm professional däräcädäge internet säxifälärneñ sanı bik az bula, ber nominatsiädä yarışırlıq saytlar köç xäl belän tuplana.

Bıyılğı «Tatnet yoldızları» bäygesendä, ber 10ğa yaqın tatar telendäge sayt qatnaşa. Alarnıñ maqsatları häm eçtäşlekläre törle-törle, bu saytlar barsı da, mäğlümat çarası, yäki tuğan tel digän törlärdä ciñü öçen köräşä. Bu xatqa ütkän tapşıruıbız da söylägän idek. Nigä başqa nominatsiälärdä köç sınap qaraw öçen, internet bitne tatarça yasarğa yaramıy? Bu sorawğa Aynur Sibğatullin cawap birä. Anıñ xatınnan tağın ber özek kiteräbez: «Aldağı yıllarda ütkärelgän bäygedä, 2003 häm 2004-tä, bez, tatar telendäge internet säxifälärgä, büläklär öläşep çıqtıq. İnde bu yıldan, bäyge bülägen qatıraq köräşep alırğa kiräk, dip sanım. Oyıştıruçar, bäygeneñ däräcäen kütärer öçen, taläplären qırıslatu yağın qarıy. Üz ara yarış bulmağaç, büläkne alu «ciñel genä» digän tä’sir qalmasın ide. Bu «tatnet –yoldızları 2005» bäygesen oyıştıruçılarnıñ berse, Aynur Sibgatulinnıñ räsmi añlatmalı xatınnan özeklär ide. İnde xäzer bäygedä kilep tuğan wäzğiätne qariq. Çexiä tatarları säxifäse turında, «Tatnet» tapşırularınıñ bersendä söylägän idek inde. www.tatar.cz. Ul tatar telendä eşlängän, latin xärefläre belän. Bu säxifä bäygeneñ «Tatar dönyası» nominatsiäsendä büläk öçen köräşep qaramaqçı bulğan, ämma, tatar telendä bulu säbäple, ul yünäleştä qatnaşa almağan. Başqa bülektä terkälergä tieş bulğan. Bu xälneñ säyerlege belän Aynur Sibgatullin kileşte. Ägär, bäygedä qatnaşuçılardan kübräk tatar saytları cıyılsa, alarnı törkemnärgä bülep, yaña nominatsiälär dä oyıştıru mömkin bulır, dip wäğdä itte ul. Üzgäreşlär turında aldağı tapşıruıbızda xäbär itärbez.



Bikä Timerova.

XS
SM
MD
LG