Accessibility links

якшәмбе, 4 декабрь 2016, Казан вакыты 05:06

Törkiägä Abdulla Ocalannı yañadan xökem iter öçen qanunnarnı üzgärtegä turı kiläçäk


1999nçı yılda qorallı ğısyan oyıştıruda ğayeplänep ğömerlek törmä cäzası alğan kördlärneñ PKK firqase yulbaşçısı Abdulla Ocalan, üze östennän xökem eşeneñ ğadel bulmağanı turındağı kiçäge xäbärgä qarata, bu – Törkiä öçen üzendäge körd mäsäläsen yañadan qarap çığu öçen şans dip belderde. Kiçä iğlan itelgän Yevropadağı Keşe Xoquqları mäxkämäseneñ Ocalan östennän bulğan mäxkämä prosessın yañadan ütkärü täqdimen qabul itü Törkiä öçen mäcbüri bulmasa da, Yevropa Berlegenä kerergä ömetlängän Ankara üzendäge keşe xoquqları torışın yaxşırtu öçen çaralar küräçäk dip farazlana. Monıñ öçen Törkiägä qanunnarın üzgärtergä kiräk bulaçaq. Kördlärneñ Özgür Politika basmasına da Ocalan, yaña xökem prosessı kördlär xoquqları problemasın ğısyan yulı belän tügel dä, ä demokratik yul belän çişü öçen başlanğıç bula ala, dip beldergän. Ul arada Törkiäneñ könyaqkönçığışındağı Bingöl vilayätendä körd ğısyançıları häm Törkiä xärbi köçläre arasında bäreleşlär bulğan. Törek NTV kanalı xäbär itüençä, bäreleşlärdä 3 törek xärbi hälak bulğan, 4se yaralanğan.

XS
SM
MD
LG