Accessibility links

якшәмбе, 11 декабрь 2016, Казан вакыты 03:30

Üzbäkstanda başlanıp kitkän çualışlarda qan qoyıldı


Comğağa qarşı töndä Andicanda qoral urlap, törmägä höcüm itkän ğıysyançılar ber törkem totqınnı irekländergän.Andican şährendä militsionerlarnı totıq itep alğan fetnäçelär comğa irtädän birle xakimiätlär belän barğan söyläşülärdä Äkramiä-islamçı törkemeneñ qulğa alınğan barlıq äğzaların irekkä çığarunı taläp itä. Xökümät belderüenä kürä tınıçsızlıqlarda 9keşe ülgän..Ämma comğada Andicanda Üzbäk iminlek xezmätkärläre cıyılğan meñnärçä keşegä ut açıp in kimendä ber keşene ütergän.

Andicanda cirle administratsiä binasın okupatsiälägän sannarı bilgesez fetnäçelär xökümät belän barğan säyläşülärdä älegä kileşügä ireşä almadı. Xabärlärgä qarağanda tıyılğan Äkramiyä törkemeneñ äğzası buluda ğäyeplänep qulğa alınğan 23 eşquar irekkä çığarılğan.Alar ğäyepläwlär säyäsi häm iqtisadi motivlı dip äytte . Fetnäçelär Äkrämiyä äğzası dip şiklänelep qulğa alınuçılarnıñ barısı da irekkä çığarılsın digän taläp quya. Cirle administrativ binada utırğan fetnäçelärneñ berse Şäripcan Şakirov Üzbäk redaksiäsenä bez berdän ber taläp quydıq digän

Şakirov(audio)

Bezneñ ber genä taläp bar.Alar yala yağılıp qulğa alınğannarnı şulsanda Äkrämiäne oyıştıruçı Äkräm Yuldaşevnı irekkä çığarırğa tieş.

Yuldaşev 4 yıldan birle törmädä utıra. Şakirov süzlärenä qarağanda söyläşülärne alıp barğan eçke eşlär ministrı Zakir Almatov fetnäçelärneñ taläplären kire qağa häm alarğa ildän çığıp kitü misal öçen Oşqa –Qırğızstanğa kitü mömkinlege birä. Almatov comğa irtän söyläşülär alıp bara başladı .Ul ğıysyançılar berniçä militsionerne totıq itep alğan di. Andicanda atna başınnan birle berniçä meñ keşe tınıç protest belderep kilde. Comğa irtänge qarşı ğıysyançılar xärbi baraklarğa höcüm itep qoral urlıy häm törmägä höcüm oyıştıra Şunan soñ alar administratsiä binasın elekterep alğan. Üzbäkstan däwlät TV bolay dip añlattı waqıyğälärne

(audio)

13nçe may tönge berençe yartı belän ber arasında ber törkem qorallı cinayätçelär Andicanda militsiä häm xärbi bülekkä höcüm itep qoral urlağan şunnan soñ banditlar xezmät belän tözätü lagerında ber törkem totqınnarnı irekkä çığarğan.

Administrativ binanı okupatsiäläwçelär üzlären törmädä totıluçılarnıñ yaqınnarı dip beldersä dä, moñı bäysez çığanaqlardan raslaw mömkin tügel.Comğa könne töştän soñ meñnnärçä keşe Andican mäydanına cıyılğan. Waqıyğä urınında bulğan Suğış wä Tınıçlıq turında Xäbär itüçe İnstitutnıñ Üzbäkstan Ofisı başlığı Ğalima Buxarbaeva bolay dip belderde

Buxarbaeva (audio)

Säğät altınçı yartı ide, xalıq BTRlarnıñ yaqınlaşuın kürep qıçqırıp yögerä başladı. Başta 2 yäki 3 BTR ide . Töğäl sannı äytä almim, çönki min dä xalıq belän yögerdem Ämma 5minut ütmi östämä BTRlar kilde häm bezneñ arttan ata başladılar , uqılar oça ide, qotoçqıç

Buxaraeva (arıq) kanalğa yäşrengän.Ul qanğa batqan 5-6 keşene alıp kittelär, ämma alar ülgänme yaralımı äytä almadı.

Xökümät uramnarğa östämä tärtip saqlaw köçläre çığarğan. İlneñ tışqı eşlär ministırlığı xakimiätlär Andicanda wazğiätne tulısınça kontrol itä dip äytte.Prezidentnıñ mätbuğat üzäge İldä ğädättän tış xäl kertü mäqsatı quyılmıy dide. Üzbäk xakimiätläre küptän tügel genä bulıp alğan şundıyraq waqıyğälärne islamçı törkem Hezb –ut Tahrirgä bağlağan ide . Törkem moñı kire qağa Şakirov ta comğa könne, (audio) üz aksiäläreneñ andıy törkemnär belän bäyleneşe yuq dip äytte Üzäk Azidäge illär Andicandağı tınıçsızlıqlarğa reaksiä kürsätte. Qırğızıstan , Qazaxstankebek illär yä çiklären yaptı yä dä çiklärendä iminlekne arttırdı. Russiä tışqı eşlär ministrı sergei Lavrov tınıçsızlıq Üzbäkstannıñ eçke eşe dip belderde.

Lavrov(audio)

Berençedän bu Üzbäkstannıñ eçke eşe. Bez annnan alğan mäğlümätne tikşerep barabız. Sonğı mäğlümätkä qarağanda xällär totrıqlana bara.

Xalıq sanı 200meñ bulğan Andican , keşelärneñ uqmaşıp yäşägän uñdırışlı Fergana üzänendä. Şähär küp yıllardan birle qarşılıq kürsätü üzäge bulıp tora. Andican häm kürşe şähärlär patşa armiäsenä häm soñraq bolşeviklarğa qarşı suğışqan xäräkätlärneñ başkavartirları bulıp tora. färidä xämit
XS
SM
MD
LG