Accessibility links

шимбә, 10 декабрь 2016, Казан вакыты 12:00

İran deputatları Yevropa belän söyläşülärne tuqtatu mäsäläsen tikşeräçäk


İrannıñ İRNA däwlät mäğlümat agentlığı xäbär itüençä, irtägä parlament utırışı köntärtibenä Britaniä, Germaniä häm Fransiä belän atom programması turında söyläşülärne tuqtatu mäsäläse quyılaçaq. Küpçelekne täşkil itkän konservativ deputatlar, Yevropa Berlegeneñ sanksiälär belän yanawına qaramastan, xökümätkä, uran bayıtunı däwam itü turında qarar qabul itergä basım yasar, dip farazlana. Parlament äğzası Kazem Calali, İRNA agentlığına, Yevropa aradaşçıları belän söyläşülär barıber körçekkä terälde, İran waqıt qına äräm itä, dip söyläp birgän. Berniçä ay Fransiä, Britaniä häm Germaniä diplomatları, İrannı atom programmasınıñ qoral yasawda qullanıla alğan öleşen tuqtatırğa ügetläp İrannıñ atom eşläre wäkilläre belän söyläşülär uzdırğan ide.

XS
SM
MD
LG