Accessibility links

җомга, 9 декабрь 2016, Казан вакыты 11:01

Ğiraqqa AQŞ däwlät sekretare Condoleezza Rice kilde


Aldan xäbär itmiçä bügen Ğiraqqa AQŞ däwlät sekretare Condoleezza Rice kilde. Rice başqaladan 350 çaqrımdağı Arbil şähärenä kilde, soñınnan boralaq belän Säläheddin şähärenä yul tottı. Anda ul kördlär yulbaşçısı Massud Barzani belän oçraştı. Şulay uq Ricenıñ bügen premyer-ministr İbrahim Jaafari, prezident Jalal Talabani, yaña saqlanu häm eçke eşlär ministrları belän oçraşuı qaralğan. Arbildä bulğanda, Rice, ğısyançılar belän eş itkändä ber genä yul – köräş yulı, dide: "Terrorçılar ber ğayepsez Ğiraq keşelären üterä. Häm Ğiraq citäkçelege niçek tä bulsa moña çik quyarğa telider, dip uylıym. Ğayepsez keşelärne üterüçelär belän eş itkändä ber genä yul bulırğa mömkin, ul da bulsa – alarğa qarşı suğış" dide Rice.

XS
SM
MD
LG