Accessibility links

җомга, 9 декабрь 2016, Казан вакыты 18:25

İran parlamentı atom programmasın däwam itüne xuplap tawış birde


İran parlamentı, xökümätkä tınıç maqsatlarda atom programmasın tärräqi itü eşen däwam itü öçen tawış birde. Qanun ölgese – programmanı xäzer ük däwam itüne küz aldında totmıy, ämma xökümät annan waz kiçergä tieş tügel dip iqrar itä. İran parlamentı räise Ğälämali Haddad Adel, Tähranda jurnalistlarğa, bügenge tawış birüneñ näticäse , Yevropa Berlege belän söyläşülärne tuqtatunı añlatmıy, dip belderde: "Söyläşülär däwam itä ala, parlament üz wazifasın başqardı. Söyläşülär İran xalqınıñ üzeneñ xoquqlarınnan baş tartuın añlatmıy. Söyläşülärneñ maqsatı – İran xalqınıñ niäten belderü. Başqa süzlär belän äytsäk, bezneñ niät – atom programmasın tınıçlıq maqsatlarında üsterü, qoral eşläp çığaru öçen tügel" dip belderde İran parlamentı räise. Bügen Fransiä tışqı eşlär ministrı Michel Barnier, Britaniä, Fransiä häm Germaniä tışqı eşlär ministrları häm İran wäkilläre arasında oçraşu yaqın könnärdä bulaçaq, dip belderde. Anıñ süzlärenä qarağanda, Rusiä tışqı eşlär ministrı Sergei Lavrov ta Yevropa diplomatlarına teläktäşlek belderä.

XS
SM
MD
LG